পঞ্জাববাসীৰ আগত ঘোষণা কৰিছিল আম আদমি পাৰ্টিৰ চৰকাৰে। সেই ঘোষণা অনুসৰিয়ে অহা ১ জুলাইৰ পৰা ৰাজ্যবাসীয়ে লাভ কৰিব বিনামূল্যে বিদ্যুৎ পৰিসেৱা। সোমবাৰে চৰকাৰৰ প্রথম বাজেট উত্থাপন কৰি এই কথা ঘোষণা কৰে পঞ্জাবৰ বিত্তমন্ত্রী হৰপাল সিংহ চিমাই।
উল্লেখ্যযোগ্য যে, পঞ্জাবত বিধানসভা নির্বাচনত চমকপ্রদ জয়ৰ পাছত আসনত বহাৰ এক মাহ পূৰ্ণ হওঁতেই নির্বাচনী প্রতিশ্রুতি মতে বিনামূল্যে প্রতি মাহে ঘৰে ঘৰে ৩০০ ইউনিট পর্যন্ত বিদ্যুৎ পৰিসেৱা প্রদানৰ কথা ঘোষণা কৰিছিল মুখ্যমন্ত্রী ভগৱন্ত সিংহ মানে।
এক কোটি ৫৫ লাখ কোটি টকাৰ বাজেট উত্থাপন কৰিছে আপ চৰকাৰে। শিক্ষা, স্বাস্থ্য, কৃষি ক্ষেত্রত অগ্রাধিকাৰ দিয়া হৈছে। কৃষি ক্ষেত্রত ১১ হাজাৰ ৫৬০ কোটি টকাৰ আবণ্টন কৰিছে ভগৱন্ত মানৰ চৰকাৰে। ধান
খেৰ জ্বলোৱাৰ বাবে আবণ্টন কৰা হৈছে ২০০ কোটি টকা। আগন্তুক পাঁচ বছৰত ৰাজ্যখনত ১৬ খন মেডিকেল কলেজ স্থাপনৰ প্রতিশ্রুতি দিছে পঞ্জাব চৰকাৰে। শিক্ষাৰ্থীসকলৰ বৃত্তিৰ বাবে ৩০ কোটি টকা আবণ্টন কৰা হৈছে ।
