মহাৰাষ্ট্ৰৰ মহাবিকাশ অঘাৰী চৰকাৰৰ উত্তাল অৱস্থাক লৈ ইতিমধ্যে বিপাকত পৰিছে মহাৰাষ্ট্ৰৰ মুখ্যমন্ত্ৰী উদ্ধৱ থাকৰে। ইফালে কোভিড নিয়ম উলংঘা কৰাৰ বাবে উদ্ধৱৰ বিৰুদ্ধে এজাহাৰ দাখিল কৰিছে বিজেপি নেতা তাজিন্দৰ পাল সিং বাগ্গাই। তাজিন্দৰৰ অভিযোগ অনুসৰি কোভিড আক্ৰান্ত হৈ থকাৰ সময়তে নিয়ম ভংগ কৰি সমৰ্থকসকলৰ সৈতেও সাক্ষাৎ কৰে উদ্ধৱে ৷
বুধবাৰে মুখ্যমন্ত্রীৰ কার্যালয়ৰ এজন বিষয়াই জনোৱা মতে, মুখ্যমন্ত্ৰী ক’ৰোনাত আক্ৰান্ত হৈছে৷
কিন্তু উদ্ধৱে বুধবাৰে সন্ধিয়া এনচিপিৰ মুৰব্বী শৰদ পাৱাৰৰ সৈতে তেওঁৰ বাসভৱনত বৈঠকত বহি মহাৰাষ্ট্ৰ চৰকাৰক সংকটৰ অন্ত পেলাবলৈ আহ্বান জনায়। আলোচনাৰ অন্তত বুধবাৰে নিশা উদ্ধৱে নিজৰ চৰকাৰী বাসগৃহ ‘বৰ্ষা’ এৰি মাতোশ্ৰীস্থিত পূৰ্বপুৰুষৰ ঘৰলৈ যায়। আৰু তাৰ পিছত উদ্ধৱে এজনতকৈ অধিক সমৰ্থকক সাক্ষাৎ কৰি সৌজন্যতাৰ আদান-প্ৰদান কৰে।
উল্লেখ্য যে;তাজিন্দৰে মুখ্যমন্ত্রীৰ বিৰুদ্ধে মুম্বাইৰ মালাবৰ পাহাৰ আৰক্ষী থানাত অভিযোগ দাখিল কৰি কয় যে কৰ’না আক্ৰান্ত হোৱাৰ পাছতো তেওঁ এনেধৰণৰ কাম কৰিছে৷তেওঁ টুইটাৰত এই অভিযোগৰ এখন ছবিও প্ৰকাশ কৰে। আনহাতে উদ্ধৱৰ কাপুৰুষ শাসনক লৈ প্ৰশ্ন উত্থাপন কৰে বিজেপি নেতা অমিত মালভিয়াই।