ডিমা হাচাওৰ গেৰেছ’ ৰে’ল পথৰ ওপৰেদি অভাৰব্ৰীজ নিৰ্মাণৰ প্ৰস্তাব সাংসদ হৰেণছিং বে’ৰ

ASSAM TIMES POST

ডিফুঃ ডিমা হাছাও জিলাৰ লাংটিং অঞ্চলৰ গেৰেচ’ ৰেলপথৰ ওপৰেদি এটি ৰেলৱে অভাৰব্ৰীজ নিৰ্মানৰ প্ৰস্তাব আগবঢ়াই তিনি পাৰ্বত্য জিলাৰ একমাত্ৰ সাংসদ হৰেণছিং বে’ই ৷ প্ৰাপ্ত খবৰ অনুসৰি সাংসদ হৰেণছিং বে’ই সোমবাৰে লামডিঙৰ পৰা চেইনজ নম্বৰ( ৩০/২০০) দুৰত্বৰ ডিমা হাছাও জিলাৰ লালটিং অঞ্চলৰ গোৰেচ’ ৰেলপথ পৰিদৰ্শন কৰি এনে প্ৰস্তাব গ্ৰহণ কৰে ৷

উল্লেখ্য যে, উক্ত উন্মুক্ত ৰে’ল পথেদি গেৰেছ’ ১,২,৩,৪ আৰু ৫ৰ লগতে ফালাইফাদি, গ্ৰেয়ং আৰু গাদাইন গ্ৰেয়ংৰ ৰাইজ নিতৌ অহা যোৱা কৰে৷ উক্ত অ’ভাৰ ব্ৰীজ নিৰ্মাণ ইপাৰ-সিপাৰ গাঁৱৰ জনসাধাৰণে এনএইছ ৫৪ আৰু এনএইছ ৪৪ ৰ সৈতে সংযুক্ত হ’ব পাৰিব৷

এলেকাটোৰ জনসাধাৰণে নিজৰ দৈনিক চলাচলৰ বাবে অধিক আঁচনি পাব লাগে বুলি সাংসদ হৰেণছিং বে’ই মন্তব্য কৰে৷ সাংসদ হৰেণছিং বে’ৰ লগতে ডিমা হাছাও স্বায়ত্ত শাসিত পৰিষদৰ মুখ্য কাৰ্যবাহী সদস্য দেব’লাল গাৰ্লোছা লগতে ইএম আৰু এমঅচি সকলে অংশ গ্ৰহণ কৰে৷