দুবছৰ পিছত তিনি দিনৰ বিদেশ ভ্ৰমণলৈ গ’ল প্রধানমন্ত্রী নৰেন্দ্র মোদী। এই ভ্ৰমণত ইউৰোপৰ তিনিখন দেশলৈ যাব তেওঁ। ভ্ৰমণ আৰম্ভ হৈছে জার্মানীৰ পৰা। সোমবাৰে তেওঁ দেশখনৰ ৰাজধানী বার্লিনত উপস্থিত হৈছে।
সোমবাৰে জার্মানীত তেওঁ ছেন্সেলৰ ওলাফ স্কোলজৰ সৈতে এক দ্বিপাক্ষিক বৈঠক কৰিব। ইয়াৰ উপৰি দুই দেশৰ বাণিজ্যিক বিষয়াসকলৰ সৈতে এক ঘূৰণীয়া মেজ মেলত তেওঁ অংশ ল’ব।
জার্মানীৰ পৰা ৩ মে’ত প্রধানমন্ত্রী যাব ডেনমার্কলৈ। ৰাজধানী কোপেনহাগেনত এক দ্বিপাক্ষিক বৈঠকত তেওঁ যোগ দিব। তাত ডেনমার্কৰ প্রতিনিধিৰ উপৰি উপস্থিত থাকিব ফিনলেণ্ড, ছুইডেন, নৰৱে আৰু আইছলেণ্ডৰ প্রতিনিধিসকল।
তাৰ পিছদিনা, অর্থাৎ ৪ মে’ত প্রধানমন্ত্রী যাব ফ্রান্সলৈ। এই তিনি দিনৰ ভ্ৰমণত প্রধানমন্ত্রীয়ে মুঠ ২৫টা কাৰ্যসূচীত অংশগ্ৰহণ কৰিব।
