অবৈধ বৈদেশিক লেনদেনৰ অভিযোগত জিয়াওমি টেকনল’জি ইণ্ডিয়াৰ প্ৰায় ৫ হাজাৰ কোটি টকা জব্দ ইডিৰ

অবৈধ বৈদেশিক লেনদেনৰ অভিযোগত জিয়াওমি কোম্পানীৰ ৫ হাজাৰ কোটিৰো অধিক ধন জব্দ ইডিৰ। এই কথা টুইটযোগে জনাইছে এনফৰ্চমেণ্ট ডিৰেক্টৰেটে।

এক তথ্যৰ ভিত্তিত ইডিয়ে মেচাৰ্ছ জিয়াওমি টেকনল’জি ইণ্ডিয়া প্ৰাইভেট লিমিটেডৰ পৰা এই ধনখিনি জব্দ কৰে। কোম্পানীটোৱে কৰা অবৈধ বৈদেশিক লেনদেনৰ সন্দৰ্ভত বৈদেশিক মুদ্ৰা ব্যৱস্থাপনা আইন, ১৯৯৯-ৰ অধীনত এই ধনখিনি জব্দ কৰা হয়।

কোম্পানীটোৰ বেংক একাউণ্টত পৰি থকা ৫৫৫১.২৭ কোটি টকা ইডিয়ে জব্দ কৰে।