এইবাৰ বিদেশত বেটাৰী কাৰখানা খুলিব টাটা গ্ৰুপে (Tatas to set up EV battery plant worth in UK )। এই কাৰখানাত ভাৰতৰ তুলনাত তিনিগুণ বেছি বিনিয়োগ কৰিব টাটা ছন্সে (Tata Sons has three times more investment than India)।বুধবাৰে ব্ৰিটিছ প্ৰধানমন্ত্ৰী ঋষি চুনকে ইংলেণ্ডৰ ছামাৰচেটত প্ৰায় ৪২ হাজাৰ কোটি টকাৰ বিনিয়োগেৰে এই কাৰখানা নিৰ্মাণৰ কথা ঘোষণা (PM Rishi Chunk declares The Summerset of England) কৰে।
সমগ্ৰ ইউৰোপৰ ভিতৰতে এইটো সৰ্ববৃহৎ বেটাৰী কাৰখানা (Largest battery factory in Europe) হʼব বুলি লগতে জনায় ব্ৰিটিছ চৰকাৰে। মূলত বৈদ্যুতিক বাহনৰ বাবে লিথিয়াম আয়ন বেটাৰী এই কাৰখানাতে নিৰ্মাণ কৰা হʼব। উৎপাদন আৰম্ভ হʼবলৈ তিনি বছৰ সময়ৰ প্ৰয়োজন হ’ব। তাত টাটা মটৰ আৰু জাগুৱাৰ লেণ্ড ৰভাৰৰ বিভিন্ন মডেলৰ বেটাৰী নিৰ্মাণ কৰা হʼব। ইয়াৰ ফলত ৪০০০ কৰ্মচাৰীয়ে পোনপটীয়াকৈ নিযুক্তি পাব।
উল্লেখযোগ্য যে এমাহ পূৰ্বে টাটা ছন্সে গুজৰাটৰ ছানাণ্ডেত বেটাৰীচালিত বাহনৰ বেটাৰী নিৰ্মাণৰ বাবে এটা কাৰখানা স্থাপনৰ চুক্তিত স্বাক্ষৰ কৰিছিল। তাত ১৩ হাজাৰ কোটি টকা বিনিয়োগ কৰাৰ কথা ঘোষণা কৰা হৈছে। ভাৰতীয় বজাৰত বৈদ্যুতিক বাহনৰ চাহিদা শতাংশৰ ফালৰ পৰা কম যদিও সংখ্যাৰ ফালৰ পৰা নহয়। ভাৰতীয় গাড়ী নিৰ্মাতা কোম্পানীসমূহে ইলেক্ট্ৰিক গাড়ী উৎপাদনৰ বাবে চীন আৰু দক্ষিণ কোৰিয়াৰ ওপৰত নিৰ্ভৰ কৰিবলগীয়া হৈছে। সেই নিৰ্ভৰশীলতা হ্ৰাস কৰিবলৈ টাটাই ‘মেক ইন ইণ্ডিয়া’ কৌশল গ্ৰহণ কৰিছে।
একেদৰে ব্ৰিটেইনৰ গাড়ীৰ কাৰখানাসমূহেও ইউৰোপৰ বিভিন্ন দেশৰ পৰা বৈদ্যুতিক গাড়ীৰ বেটাৰী আমদানি কৰিবলগীয়া হয়। ব্ৰেক্সিটৰ পিছত ইউৰোপৰ পৰা অহা এই সামগ্ৰীসমূহৰ ওপৰত ১০ শতাংশ অধিক কৰ আৰোপ কৰা হয়। ফলত ভক্সহল, পিউজোৰ দৰে গাড়ী কোম্পানীয়ে ব্ৰিটেইনত ইলেক্ট্ৰিক গাড়ীৰ মূল্য বৃদ্ধি কৰিবলৈ বাধ্য হৈছে।
কিন্তু এইবাৰৰ প্ৰথম ত্ৰৈমাসিকৰ প্ৰতিবেদনত কোৱা হৈছে যে ব্ৰিটেইনত ৫০ শতাংশ ইলেক্ট্ৰিক গাড়ী বিক্ৰী কৰা হৈছে। ফলস্বৰূপে গাড়ী নিৰ্মাতা কোম্পানীৰ হেঁচাত পৰে ঋষি চুনক চৰকাৰ। ব্ৰিটিছ চৰকাৰে কয় যে টাটা নিয়ন্ত্ৰিত জাগুৱাৰ লেণ্ড ৰভাৰক বিশেষ ৰাজসাহায্যৰে বেটাৰী কাৰখানা স্থাপনৰ বাবে ৬০০ একৰ মাটি দিয়া হৈছে। ২০৩০ চনৰ ভিতৰত সমগ্ৰ ব্ৰিটেইনতে বেটাৰীৰ চাহিদাৰ আধা অংশ টাটাৰ কাৰখানাসমূহে পূৰণ কৰিব বুলি প্ৰকাশ।
