কৰোনাৰ চতুর্থ ঢৌ আহিছে নেকি? দেশৰ একাধিক ৰাজ্যত সংক্রমণ বৃদ্ধিৰ লগে লগে এই প্ৰশ্ন উত্থাপন হৈছে। বিগত ২৪ ঘণ্টাত পুনৰ বৃদ্ধি পালে আক্রান্তৰ সংখ্যা। সক্ৰিয় ৰোগীয়েও পাৰ কৰিলে ১৮,৫০০।
শনিবাৰে স্বাস্থ্য আৰু পৰিয়াল কল্যাণ মন্ত্ৰালয়ৰ তথ্য মতে, বিগত ২৪ ঘণ্টাত দেশত কৰোনা আক্রান্ত হৈছে ৩,৬৮৮ জন। শুক্রবাৰৰ তুলনাত যিটো সামান্য বেছি। কেৱল দিল্লীতেই আক্রান্ত ১,৬০৭ জন। মহাৰাষ্ট্রতো সংক্রমণ বাঢ়িছে।
বর্তমান সক্ৰিয় ৰোগী ১৮ হাজাৰ ৬৮৪। সমগ্ৰ দেশত সক্ৰিয় ৰোগীৰ হাৰ সম্প্ৰতি ০.০৪ শতাংশ। দৈনিক পজিটিভিটি ৰেট ০.৭৪ শতাংশ। বিগত ২৪ ঘণ্টাত কৰোনাত মৃত্য হৈছে ৫০ জন। দেশত এই পর্যন্ত কোভিডত মুঠ মৃত্যুৰ সংখ্যা ৫ লক্ষ ২৩ হাজাৰ ৮০৩।
আনহাতে, পৰিসংখ্যা অনুযায়ী, এই পর্যন্ত দেশত ৪ কোটি ২৫ লক্ষ ৩৩ হাজাৰ ৩৭৭ জন কৰোনাৰ পৰা মুক্ত হৈছে। যাৰ ভিতৰত বিগত ২৪ ঘণ্টাত কৰোনাৰ পৰা সুস্থ হৈছে ২,৭৫৫ জন। সুস্থতাৰ হাৰ ৯৮.৭৪ শতাংশ। এই পর্যন্ত দেশত ১৮৮ কোটি ৮৯ লাখৰো বেছি ড’জ কৰোনাৰ টীকা দিয়া হৈছে।
