জম্মু-কাশ্মীৰৰ যুৱ প্রজন্মই আগৰ প্রজন্মৰ দৰে কষ্টৰ মাজেৰে পঢ়িবলগা নহ’ব বুলি প্রতিশ্রুতি দিলে প্রধানমন্ত্রী নৰেন্দ্র মোদীয়ে। তেওঁৰ প্রতিশ্রুতি, ‘‘জম্মু-কাশ্মীৰৰ যুৱ প্রজন্মৰ সদস্যসকলে চাকৰি পাব।’’
জম্মুৰ সাম্বাৰ পালি গাঁৱত ৩০ হাজাৰ পঞ্চায়ত সদস্যৰ সন্মুখত প্রধানমন্ত্রীয়ে কয়, ‘‘ৰাষ্ট্ৰীয় পঞ্চায়তীৰাজ দিৱস যে জম্মু-কাশ্মীৰত উদযাপন কৰা হৈছে, সেইটো তাৎপর্যপূর্ণ।
বুজি পোৱা গৈছে গণতন্ত্র জম্মু-কাশ্মীৰৰ তৃণমূল স্তৰলৈ গৈছে। মই ইয়াৰ পৰাই ভাৰতৰ সকলো পঞ্চায়তক উদ্দেশ্য কৰি কৈছো। কাৰণ, জম্মু-কাশ্মীৰ দীর্ঘদিন ধৰি পঞ্চায়তীৰাজ ব্যৱস্থাৰ সুফলৰ পৰা বঞ্চিত হৈ আছিল।’’
উল্লেখ্য, জম্মু-কাশ্মীৰৰ বিশেষ মর্যাদা লোপ কৰাৰ পিছত সীমান্ত ভ্ৰমণ বাদ দিলে এয়াই প্রথম তাত ভৰি দিলে মোদীয়ে। ৰাষ্ট্ৰীয় পঞ্চায়তীৰাজ দিৱসক কেন্দ্ৰ কৰি কেন্দ্ৰীয়শাসিত অঞ্চলটোত মোদী চৰকাৰ আৰু উপ ৰাজ্যপালৰ প্রশাসনৰ সাফল্য দাঙি ধৰাই আছিল এই ভ্ৰমণৰ অন্যতম উদ্দেশ্য। সেয়ে প্রধানমন্ত্রীৰ বক্তৃতাৰ সকলো স্তৰতেই আছিল সেই বার্তা।
মোদীয়ে কয়, ‘‘প্রথমবাৰ জম্মু-কাশ্মীৰত শান্তিপূর্ণভাবে ত্রিস্তৰীয় পঞ্চায়ত নির্বাচন হৈছে। বিগত দুবছৰত হৈছে বিপুল উন্নয়ন। ২০০ নতুন আইন জম্মু-কাশ্মীৰত কার্যকৰী কৰিছে চৰকাৰে। তাৰ ফলত বিশেষকৈ দলিত, মহিলা, শিশু আৰু কাশ্মীৰী সমাজৰ পিছপৰা অংশৰ মানুহ উপকৃত হৈছে।’’
