বলীউডৰ বিখ্যাত পৰিচালক ৰাম গোপাল বৰ্মাই প্ৰায়ে নিজৰ কথাসমূহ স্পষ্টভাৱে প্ৰকাশ কৰি আহিছে। আকৌ, এবাৰ তেওঁৰ এটি বিষয়ে সচেতন মহলত খলকনিৰ সৃষ্টি কৰিছে। ৰাম গোপাল বৰ্মাৰ ‘ক্ষাত্ৰা ডেঞ্জাৰাছ’ ছবিখন অহা ৮ এপ্ৰিলত ছবিগৃহত মুক্তি পাবলৈ সাজু হৈছে। এই ছবিখন দেশৰ প্ৰথম খন সমকামিতাৰ ওপৰত নিৰ্মিত অপৰাধধৰ্মী একচন ড্ৰামা, কিন্তু ৰাম গোপাল বৰ্মাই শেহতীয়াকৈ ছবিখনৰ বিষয়ে এক ডাঙৰ আঘাত পাইছে, যিটো তেওঁ ছচিয়েল মিডিয়াত প্ৰকাশ কৰিছে।
জানিব পৰা মতে, একাংশ ছবিগৃহই ছবিখন প্ৰদৰ্শন কৰিবলৈ অস্বীকাৰ কৰিছে। যাৰ ওপৰত ৰাম গোপালৰ খং ছচিয়েল মিডিয়াত বিয়পি পৰিছে।
ৰাম গোপাল বৰ্মাই টুইটাৰত কেইটামান টুইট পোষ্ট কৰিছিল, তেওঁ লিখিছে যে, “@_PVRcinemas @INOXCINEMAS য়ে মোৰ ছবিখন দেখুৱাবলৈ অস্বীকাৰ কৰিছে কিয়নো ছবিখন সমকামিতাৰ ওপৰত নিৰ্মিত।উচ্চতম ন্যায়ালয়ে ধাৰা ৩৭৭ বাতিল কৰাৰ পিছত আৰু ছবিখন চেঞ্চৰ বোৰ্ডে গৃহীত কৰাৰ পিছত এই ছবিখনক প্ৰদৰ্শন কৰাত তেওঁলোকে অমান্তি কৰিছে। এইটোৱে স্পষ্টভাৱে দেখুৱায় যে এই #LGBTQ সম্প্ৰদায়ৰ বিৰোধিতা কৰিছে।”
আন এটা টুইটত তেওঁ আকৌ লিখে যে, “মই কেৱল #LGBTQ সম্প্ৰদায়কে নহয়, সকলোকে @_PVR চিনেমা @INOXCINEMAS বিৰুদ্ধে থিয় দিবলৈ অনুৰোধ জনাইছোঁ। এইটো মানৱ অধিকাৰৰ অপমান।”
উল্লেখ্য যে, চেঞ্চৰ বোৰ্ডে “এ প্ৰমাণপত্ৰ” ৰ সৈতে ছবিখন গৃহীত কৰিছে। এই ছবিখন আমাৰ দেশৰ প্ৰথম সমকামী অপৰাধধৰ্মী একচন ড্ৰামা হ’ব। সমকামী ৰোমাঞ্চ দেখুওৱা ছবিখনত ৰোমান্টিক দৃশ্যৰ আধিক্য আছে। এইখন প্ৰথম সমকামী ছবি, য’ত দক্ষিণৰ চলচ্চিত্ৰখনৰ বিখ্যাত নায়িকা অপ্সৰা ৰাণী আৰু নয়না গাংগুলীয়ে মুখ্য চৰিত্ৰত অভিনয় কৰিছে।
