ডিফু : আজি ডিফুত চৰকাৰী বালক উচ্চতৰ মাধ্যমিক বিদ্যালয় খেল পথাৰত অনুষ্ঠিত মাইক্ৰ’ ফাইনেঞ্চ ঋণ ৰেহাই চেক বিতৰণ অনুষ্ঠান উপস্থিত থাকি কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে সাংবাদিকৰে সৈতে হোৱা বাৰ্তালাপত কয়যে, কাৰবি আংলঙৰ জনতা বিজেপি আৰু টীম কাৰবি আংলঙৰ লগত আছে ৷
কংগ্ৰেছে টাউন কমিটি নিৰ্বাচনত প্ৰভাৱ পেলাব পৰা নাই ৷ সমবায় সমিতি সমূহতো এজনো সাধাৰণ সদস্যও নাই ৷ ইয়াৰোপৰি জিলাখনৰ চাৰিখন বিধান সভা সমষ্টিৰ আসন আৰু একমাত্ৰ সাংসদৰ আসনখনো বিজেপিৰ দখলত ৷ তেনে ক্ষেত্ৰত পৰিষদীয় নিৰ্বাচনত কংগ্ৰেছৰ জয়ৰ সম্ভাৱনা নাই বুলি মন্তব্য কৰে মুখ্য কাৰ্যবাহী সদস্য গৰাকীয়ে ৷
