নিউজ ডেস্কঃ
ছোনিয়াই গান্ধীয়ে আহ্বান জনোৱা বৈঠকত শুকুৰবাৰে অংশগ্ৰহণ কৰে ১৯টা বিৰোধী দলে। ভার্চুৱেল বৈঠকত উপস্থিত থাকে তৃণমূলৰ মমতা বেনার্জী, এনচিপিৰ শাৰদ পাৱাৰ, মহাৰাষ্ট্রৰ মুখ্যমন্ত্রী উদ্ধৱ থাকৰে, ঝাড়খণ্ডৰ মুখ্যমন্ত্রী হেমন্ত সোৰেন, তামিলনাডুৰ মুখ্যমন্ত্রী এম কে ষ্টেলিন, ফাৰুক আব্দুল্লাৰ দৰে বিৰোধী দলৰ নেতাসকল। বৈঠকত আছিল কংগ্রেছ, তৃণমূল, এনচিপি, ডিএমকে, শিৱসেনা, জেএমএম, চিপিআই, চিপিএম, নেচনেল কনফাৰেন্স, আৰজেডি, এআইইউডিএফ, ভিচিকে, লোকতান্ত্রিক জনতা দল, জেডিএছ, আৰএলডি, আৰএছপি, কেৰালা কংগ্রেছ মানি, পিডিপি, আইইউএমএল।
অৱশ্যে এই বৈঠকত নাথাকে সমাজবাদী পার্টিৰ কোনো প্রতিনিধি। কিন্তু কিয় উপস্থিত নাথাকে তাৰ কাৰণ এতিয়াও জনোৱা নাই।
মোদী চৰকাৰৰ ওপৰত চাপ বৃদ্ধি কৰিবলৈয়েই বিৰোধী দলৰ এই বৈঠক। ভার্চুৱেল বৈঠকত ২০২৪ৰ লোকসভা নিৰ্বাচনৰ ৰণনীতি কি হ’ব তাক লৈ আলোচনা হয়। লগতে বৰ্ষাকালীন অধিবেশনত কেন্দ্রৰ অবিৰত বিল গ্ৰহণ, বীমা বিল গ্ৰহণক লৈ ৰাজ্যসভাত কেন্দ্রৰ আচৰণ সন্দৰ্ভতো আলোচনা হয় এই বৈঠকত। লগতে কৃষকসকলৰ বিক্ষোভ, পেগাছাছ প্ৰসংগ, দেশৰ অর্থনীতি, কৰোনাৰ টীকাকৰণক লৈও এই বৈঠকত আলোচনা হয়। স্বাভাবিকভাবে এইটো স্পষ্ট যে এই বিষয়বোৰক লৈয়ে আগন্তুক দিনত কেন্দ্রৰ বিৰোধিতাত ৰাজপথত নামিবলৈ আগবাঢ়িছে বিৰোধী দলবোৰ। লগতে বিৰোধীৰ সৈতে এই বৈঠকতে আগন্তুক নিৰ্বাচনত জোঁটবন্ধন সন্দৰ্ভতো প্ৰস্তাৱ ৰাখে ছোনিয়া গান্ধীয়ে।
8:14:20 PM
