ৰাজস্থানৰ জয়পুৰ (Jaipur of Rajasthan)ৰ পৰা জৈছ সন্ত্ৰাসবাদী সংগঠন (Jaish terrorist organization)ৰ সৈতে জড়িত (Involved) হৈ পাকিস্তানৰ বাবে চোৰাংচোৱাগিৰি কৰাৰ অভিযোগত ববিতা ঢাকৰ নামৰ এগৰাকী মহিলাক গ্ৰেপ্তাৰ (Woman arrested) কৰা হয়। ৰাজস্থান আৰক্ষীৰ সন্ত্ৰসাববিৰোধী স্কোৱাডে জয়পুৰৰ পৰা ৰাষ্ট্ৰবিৰোধী কাৰ্যকলাপ চলাই থকাৰ তথ্য গোপন সূত্ৰৰ পৰা লাভ কৰে। সেই তথ্যৰ ভিত্তিত এটিএছে চোৰাংচোৱাগিৰি চলাই থকাৰ সময়ত গংগাপুৰৰ এই মহিলাগৰাকীৰ অৱস্থান লাভ কৰে।
এটিএছৰ সূত্ৰ অনুসৰি, মহিলাগৰাকীৰ গতিবিধি আৰু ফোন ট্ৰেক কৰিবলৈ আৰম্ভ কৰা হয়। পাকিস্তানৰ কেইবাজনো লোকৰ সৈতে নিয়মীয়াকৈ সংস্পৰ্শত আছিল মহিলাগৰাকী। ইয়াৰ পিছতে তালাচী চলাই মহিলাগৰাকীক আত্মগোপন কৰি থকা স্থানৰ পৰা আটক কৰে। আৰক্ষীয়ে জনোৱা মতে, জৈছ সন্ত্ৰাসবাদী সংগঠনটোৰ সৈতে তেওঁ জড়িত থকাৰ ইংগিত দিয়া কেইবাটাও প্ৰমাণ পোৱা গৈছে।
মহিলাগৰাকীয়ে পাকিস্তানী হেণ্ডলাৰৰ সৈতে নিয়মীয়াকৈ কথা-বতৰা পাতিছিল। ছ’চিয়েল মিডিয়াতো যোগাযোগ ৰাখিছিল তেওঁ। তদন্তকাৰীয়ে সন্দেহ কৰিছে যে মহিলাগৰাকীয়ে পাকিস্তানলৈ চোৰাংভাৱে গুৰুত্বপূৰ্ণ নথি-পত্ৰ সৰবৰাহ কৰিছিল।
ৰাজস্থান এটিএছৰ আৰক্ষী অধীক্ষক মনীষ ত্ৰিপাঠীয়ে জনোৱা মতে, মহিলাগৰাকীৰ ফোনৰ পৰা কেইবাটাও নম্বৰ উদ্ধাৰ কৰা হৈছে, যিবোৰ পাকিস্তানৰ। ববিতাই সেইসকল লোকৰ লগত ৱাটছএপ আৰু অন্যান্য যোগাযোগ এপৰ জৰিয়তে যোগাযোগ ৰাখিছিল। প্ৰাথমিক তদন্তত প্ৰকাশ পাইছে যে মহিলাগৰাকীয়ে দুখন ছীম ব্যৱহাৰ কৰিছিল। আগতে তেওঁ বিদেশী নামেৰে ফেচবুক একাউণ্ট চলাইছিল। এটিএছৰ দাবী যে তেওঁৰ ফেচবুক একাউণ্টত জৈছ সন্ত্ৰাসবাদী সংগঠনটোৰ বহু ছবি আৰু পোষ্ট পোৱা গৈছে। আৰক্ষীৰ সূত্ৰ মতে, কেৱল পাকিস্তানৰ সৈতেই নহয়, আন দেশৰ সৈতেও যোগাযোগ ৰখাৰ কেইবাটাও প্ৰমাণ পোৱা গৈছে। মহিলাগৰাকীক জেৰা কৰি সকলো তথ্য আহৰণৰ চেষ্টা চলাইছে আৰক্ষীয়ে।
