নিউজ ডেস্কঃ
মধ্যপ্রদেশৰ বিদিশাত কুঁৱাত পৰি যোৱা গাঁৱৰ লোক কেইজনৰ ভিতৰত এতিয়ালৈকে ১১ জনৰ মৃতদেহ উদ্ধাৰ হৈছে। এই পৰ্যন্ত ২৩ জনক উদ্ধাৰ কৰা সম্ভৱ হৈছে। তেওঁলোকৰ ভিতৰত ১৩ জনক হস্পিটেলত ভর্তি কৰোৱা হৈছে। ৪০ ফুট গভীৰ কুঁৱাত পৰি যোৱা যিগৰাকী ১৩ বছৰীয়া কিশোৰক উদ্ধাৰ কৰিবলৈ গাঁওবাসীয়ে কুঁৱাত জাঁপ দিছিল সেই কিশোৰটিৰ মৃতদেহো উদ্ধাৰ হোৱা বুলি জানিব পৰা গৈছে।
মধ্যপ্ৰদেশৰ মুখ্যমন্ত্রী শিৱৰাজ সিং চৌহানে এই ঘটনাত শোক প্ৰকাশ কৰি টুইটত লিখে, ‘২৪ ঘণ্টা পিছত উদ্ধাৰ কাৰ্য বন্ধ হৈছে। কিন্তু আমি দুর্ঘটনাস্থলী ঘেৰি ৰাখি আৰু দুদিন অনুসন্ধান চলাম।’ মৃতকৰ পৰিয়ালক ৫ লক্ষ টকাকৈ আৰু আহতসকলৰ পৰিয়ালক ৫০ হাজাৰ টকাকৈ ক্ষতিপূৰণৰ ঘোষণা কৰিছে শিৱৰাজে। আহতসকলৰ চিকিৎসা বিনামূল্যে কৰাৰো নির্দেশ দিয়ে তেওঁ।
এই ঘটনাত দুখ প্রকাশ কৰিছে প্রধানমন্ত্রী নৰেন্দ্ৰ মোদীয়েও। কেন্দ্রৰ তৰফৰ পৰাও মৃতকৰ পৰিয়ালক ২ লক্ষ টকাকৈ ক্ষতিপূৰণৰ ঘোষণা কৰিছে প্ৰধানমন্ত্ৰীয়ে।
