নিউজ ডেস্কঃ
আক্ষৰিক অর্থতেই গা ভৰ্তি সোণৰ গহনা। আঁঠু পর্যন্ত ঢাক খাই গৈছে গহনাৰে। বিয়াঘৰৰ পোহৰত উজ্জ্বল হালধীয়া আভা বিয়পি পৰিছে। উত্তৰ প্রদেশৰ কইনাৰ সাজ-সজ্জা দেখি তবধ মানিছে ইণ্টাৰনেট জগতৰ নেটিজেনসকলে। কেৱল গহনা নহয় যৌতুকত নগদ টকা যিমান পৰিমাণত দিয়া হৈছে, তাত বহুতৰে চকু কপালত উঠিছে।
জানিব পৰা মতে, উত্তৰ প্ৰদেশৰ শামলি (Shamli) এলেকাত এই বিয়াৰ অনুষ্ঠানটি হৈছিল। এলেকাটোৰ এজন মুছলিম ব্যৱসায়ীৰ জীয়ৰীৰ বিয়া আছিল। তাৰেই ভিডিও ইউটিউবত আপলোড কৰা হৈছে। বিয়াত কৰোনা বিধি মানি চলা হৈছে বুলিও ভিডিওটো চাই মনে নধৰে। সোণৰ গহনাৰে যেন কইনাক ভৰাই পেলোৱা হৈছে। ডিঙিৰ পৰা আঁঠু পর্যন্ত গহনাৰে ভৰাই দিয়া হৈছে। সোণৰ ভৰত কইনা সন্মুখলৈ হাউলি পৰিছে। শাৰী ঠিক কৰিবলৈও অন্য কাৰোবাৰ সহায়ৰ প্রয়োজন হৈছে। শাৰীখনো আকৌ যথেষ্ট দামী। গুজৰাটৰ চুৰাটৰ পৰা বিশেষভাবে ডিজাইন কৰি অনোৱা হৈছে।
আনহাতে, বিয়াঘৰত প্ৰৱেশৰ পূৰ্বে যৌতুকৰ নগদ টকা দেখিবলৈ পাব। থালত সজাই থোৱা আছে ২০ লক্ষ ৫১ হাজাৰ টকা। সোণ আৰু ৰূপৰ গহনাও আছে তাত। এজন যুৱকে আকৌ চিঞৰি টকা আৰু গহনাৰ পৰিমাণ ঘোষণা কৰিছে। ভিডিও প্রকাশ্যে অহাৰ লগে লগেই স্থানীয় প্রশাসন তৎপৰ হৈছে। ভিডিও ক্লিপৰ ভিত্তিত তদন্ত আৰম্ভ কৰিছে আৰক্ষীয়ে। আই টি বিভাগকো বিষয়টি জনোৱা হৈছে।
