স্বাস্থ্য প্ৰতিবেদন:
ক’ৰোনাৰ দ্বিতীয় ঢৌৰ ফলত ৰোগীসকলে দৈনিক বিভিন্ন প্ৰকাৰৰ লক্ষণ অনুভৱ কৰি আহিছে। এক অধ্যয়ন অনুসৰি, কোভিড-১৯ পজিটিভ ৬০% ৰোগীৰ ক্ষেত্ৰত গোন্ধ আৰু সোৱাদৰ অনুভূতি হেৰুওৱা দেখা গৈছে। অৱশ্যে এই ভাইৰাছে আপোনাৰ শৰীৰক বিভিন্ন ধৰণে প্ৰভাৱিত কৰে। ইয়াত মুখৰ সৈতে সম্পৰ্কিত বহুতো বিশেষত্বৰ বিষয়ে ক’ব বিচৰা হৈছে যিবোৰ কোভিড-১৯ৰ পৰিচায়ক। পিছে মুখৰ এই লক্ষণবোৰৰ বিষয়ে গৱেষণাই কি কয়?
এক প্ৰতিবেদন অনুসৰি, নেচাৰ মেডিচিন আলোচনীত প্ৰকাশিত নেচনেল ইনষ্টিটিউট অৱ হেল্থৰ এক অধ্যয়নত দেখা গৈছে যে সংক্ৰমণৰ সময়ত কোভিড-১৯ থকা আধাৰো অধিক ৰোগীৰ মুখৰ সমস্যা আছিল।
বিশেষ কথাটো হ’ল মুখৰ সৈতে সম্পৰ্কিত এই লক্ষণ ইতিমধ্যে ৰোগটোৰ মুখ্য লক্ষণবোৰৰ সৈতে দেখা দিব পাৰে, কিন্তু ইয়াক সাধাৰণ সমস্যা হিচাপে উপেক্ষা নকৰিব।
শুকান মুখ
বহু প্ৰকাৰৰ ভাইৰেল সংক্ৰমণ, অটোইমিউন ৰোগ আৰু কোভিড-১৯ সংক্ৰমণৰ ফলত সকলো ৰোগীৰ ক্ষেত্ৰত শুকান মুখ এক সচৰাচৰ সমস্যা। শুকান মুখৰ অৰ্থ হৈছে মুখত লেলাৱতি প্ৰস্তুত নকৰা, যিয়ে আপোনাক বেয়া বেক্টেৰিয়া আৰু বীজাণুৰ পৰা সুৰক্ষিত কৰে। যদি আপোনাৰ এই সমস্যা আছে ইয়াক উপেক্ষা নকৰিব।
উশাহৰ দুৰ্গন্ধ
শুকান মুখৰ ফলত কেৱল কথা কোৱা আৰু খোৱাত অসুবিধা নহয়, কিন্তু প্ৰায়ে গোন্ধৰ সমস্যাও হয়। ইয়াৰ ফলত মুখত জ্বলা-পোৰাও হয়। লগতে, যদি আপুনি ব্ৰাছ কৰাৰ পিছত দিনটো আপোনাৰ মুখৰ পৰা দুৰ্গন্ধ ওলাইছে, এই ইংগিতটো উপেক্ষা নকৰিব।
মুখৰ ছাল যোৱা
যদি আপুনি কোভিড-১৯ৰ দৰে ভাইৰেল সংক্ৰমণৰ মাজেৰে গৈছে, তেনেহ’লে প্ৰদাহ বা ইনফ্লেমেছন হৈছে শৰীৰৰ এক সমস্যা। কিয়নো ভাইৰাছে পেশীৰ আঁহ আৰু অঙ্গবোৰৰ ভিতৰৰ স্তৰক আক্ৰমণ কৰে আৰু সেইবোৰ ক্ষতিগ্ৰস্ত কৰে। প্ৰদাহৰ ফলত মুখৰ ভিতৰৰ ফালে, জিভাত, বা মাড়িৰ চাৰিওফালে ছাল এৰাই যাব পাৰে।
জিভাৰ ৰং বা সংবেদনশীলতাৰ পৰিৱৰ্তন
ক’ৰোনা ভাইৰাছে মুখৰ সৈতে জিভাক বিভিন্ন ধৰণে ক্ষতিগ্ৰস্ত কৰে। আপোনাৰ স্বাস্থ্যৱান জিভা সাধাৰণতে গুলপীয়া ৰঙৰ। যদি আপোনাৰ জিভা অধিক ৰঙা পৰা দেখা যায়, বগা দাগ দেখা যায় বা জিভাৰ ৰং অস্বাভাৱিক ডাঠ দেখা যায়, তেনেহ’লে এইবোৰ উপেক্ষা নকৰিব আৰু ক’ৰোনা পৰীক্ষা কৰাওক।
