[captainform id=”1286858″ lightbox=”1″ miliseconds=”3000″ type=”auto-popup”]
ASSAM TIMES POST
ছাইদুল ইছলাম, ডিফুঃ সদৌ অসম বেডমিণ্টন এছ’চিয়েছনৰ উদ্যোগত আৰু কাৰ্বি আংলং ক্ৰীড়া সন্থাৰ সহযোগত ২ ছেপ্তেম্বৰৰ পৰা ৭ ছেপ্তেম্বৰলৈ চলিব লগীয়া ৬৭ সংখ্যক ছনৰাইজ সদৌ অসম আন্তঃজিলা বেডমিণ্টন চেম্পিয়নশ্বিপ সোমবাৰৰ পৰা ডিফুৰ নৱনিৰ্মিত কাছা ষ্টেডিয়ামৰ ইনড’ৰ ষ্টেডিয়ামত আৰম্ভ হৈছে ৷
প্ৰতিযোগিতাৰ শুভাৰম্ভনি কৰে ৰাজ্য চৰকাৰৰ মন্ত্ৰী পিযুষ হাজৰিকাই ৷ প্ৰতিযোগিতাখনত ক্ৰমে, বঙাইগাওঁ, চৰাইদেউ, দৰঙ,ডিব্ৰুগড়,ডিগবৈ,গোলাঘাট,গুৱাহাটী, যোৰহাট, কাৰবিআংলঙ,কোকৰাঝাৰ,লক্ষীমপুৰ মৰিগাওঁ, নলবাৰী, নাজিৰা, নগাওঁ, ৰঙিয়া, শিলচৰ, শিৱসাগৰ, তেজপুৰ আৰু তিনিচুকীয়া জিলাৰ বিভিন্ন পৰ্যায়ৰ ৪১৪ গৰাকী প্ৰতিযোগীয়ে অংশ গ্ৰহণ কৰাৰ লগতে টুৰ্ণামেণ্টৰ বিভিন্ন ইভেণ্ট ক্ৰমে, মেন ছিংগল, উইমেন ছিংগল, মেন ডাবুল, উইমেন ডাবুল, মিক্স ডাবুল, ক্ৰমে,১১ অনুৰ্দ্ধ ল’ৰা ছিংগল, ছোৱালী ছিংগল, ১৩ অনুৰ্দ্ধ ল’ৰা ছিংগল, ছোৱালী ছিংগল ১৫ অনুৰ্দ্ধ ল’ৰা আৰু ছোৱালী ছিংগল, ল’ৰা ডাবুলছ, ১৭ অনুৰ্দ্ধৰ ল’ৰা-ছোৱালী ছিংগল, ১৯ অনুৰ্দ্ধ ল’ৰা-ছোৱালী ছিংগল আৰু ল’ৰা ডাবুলছৰ ইভেণ্টত ৬৩১ গৰাকীয়ে প্ৰতিদ্ধন্ধিতা আগবঢ়াব৷
সোমবাৰৰ সন্ধিয়াৰ পৰা আৰম্ভনিৰ কোৱাৰ্টাৰ ফাইনেল খেল সমূহ ক্ৰমে, শিৱসাগৰ-শিলচৰ, ডিব্ৰুগড়-তিনিচুকীয়া, গুৱাহাটী-যোৰহাট, কামৰূপ-গুৱাহাটীৰ মাজত খেলোৱা হ’ব৷ ইয়াৰোপৰি ১৩ অনুৰ্দ্ধৰ প্ৰতিযোগিতাৰ বিপৰীতে ল’ৰা ছিংগলছ খেলুৱা হ’ব বুলি চীফ ৰেফাৰী আৰু মেছ কণ্ট্ৰ’লাৰ ক্ৰমে, গুৱাহাটীৰ বিনীত গগৈ আৰু গুৱাহাটীৰ জয়ন্ত ঠাকুৰীয়াই জানিব দিছে৷
আজিৰ উদ্ধোধনী খেলৰ পূৰ্বে প্ৰতিটো দলে নিজৰ নিজৰ পতাকা প্ৰদৰ্শন কৰে৷ আনহাতে উদ্ধোধনী খেলত ক্ৰমে ৰাজ্য চৰকাৰৰ মন্ত্ৰী পিযুষ হাজৰিকা, কাৰ্বি আংলঙ স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং, কেইবাগৰাকী ইএম, এমএচি, অসম বেডমিণ্টন সন্থাৰ পৰা ক্ৰমে,সাধাৰণ সম্পাদক অমৰ ৰাশিদ, উপসভাপতি,এল’ হেমন্ত সিং, কোষাধ্যক্ষ বদন বৰা, টুৰ্ণামেণ্ট কমিটিৰ অধ্যক্ষ পৰাণ হাজৰিকা, যুটীয়া সম্পাদক সকল ক্ৰমে,নৰুল আকতাৰ, বিনিত গগৈ, গৌতম মহন্ত আৰু কাৰ্যবাহী সদস্য ক্ৰমে, দিগন্ত বৰগোঁহাই, আৰু তৰঙ্গ গগৈ উপস্থিত থাকে ৷
