ASSAM TIMES POST
ছাইদুল ইছলাম, ডিফুঃ অসম ফুটবল সন্থাৰ তত্বাৱধনাত আৰু কাৰ্বি আংলং জিলা ক্ৰীড়া সন্থাৰ ব্যৱস্থাপনাত আজি ডিফুৰ নৱনিৰ্মিত কাছা ষ্টেডিয়ামত অনুষ্ঠিত হোৱা ৬৮ সংখ্যক ক্ষিৰোদ বৰুৱা সোঁৱৰণি আন্ত:জিলা ছিনিয়ৰ ফুটবল টুৰ্ণামেণ্টৰ চূড়ান্ত খেলত কোকৰাঝাৰ দলে চূডান্ত বিজয়ী মুকুট পিন্ধিবলৈ সক্ষম হয় ৷
ফ্লাড লাইটৰ পোহৰত খেলোৱা আজি চূডান্ত খেল খনৰ প্ৰথমাৰ্দ্ধৰ ২০মিনিটত মৰিগাঁও দলৰ হৈ ৰেকিব বিকাশ কোঁৱৰে কোকৰাঝাৰক প্ৰথমটো গ’ল দিয়ে ৷ উজ্জীৱিত খেল প্ৰদৰ্শন কৰিও কোকৰাঝাৰে প্ৰথমাৰ্ধত মৰিগাঁৱৰ গ’ল পৰিশোধ কৰিব নোৱাৰিলে ৷ দ্বিতীয়াৰ্দ্ধৰ ৫৭ মিনিটত কোকৰাঝাৰ দলৰ হৈ টুপু ব্ৰক্ষ্মই মৰিগাওঁ দলৰ নেটত এটা গ’ল দি সমতা স্থাপন কৰিবলৈ সক্ষম হয়, লগে লগেই ৬১মিনিটত বিপন নাৰ্জাৰীয়ে দ্বিতীয়টো গলদি কোকৰাঝাৰক ২-১ গ’ লৰ অগ্ৰগতি প্ৰাদন কৰে ৷
দ্বিতীয়াৰ্দ্ধৰ অতিৰিক্ত সময়ত কোকৰাঝাৰ দলৰহৈ পুলুঙ দৈমাৰীয়ে মৰিগাঁওক আনটো গ’ল দি দলক ৩- ১ গল দি চূড়ান্ত বিজয় সাব্যস্ত কৰে ৷ মৰিগাঁও দলে তীব্ৰ প্ৰতিদ্বন্ধিতা আগবঢ়ায়ো দলক বিপৰ্যয়ৰ পৰা ৰক্ষা কৰিব নোৱাৰিলে৷ মেন অব দা মেছৰ সম্মান লাভ কৰে কোকৰাঝাৰৰ দলৰ ৰাকেব বসুমতাৰীয়ে ৷ খেলখন পৰিচালনা কৰে ব্ৰজেন তিমুঙ-তেওঁক লাইনত সহায় কৰে ক্ৰমে, বাজু তিচ’ আৰু আৰৱিনচন কিলিঙ৷ চতুৰ্থ ৰেফাৰীৰ দায়িত্ব পালন কৰে-পুষ্প ৰঞ্জন বৰুৱা ৷
চূড়ান্ত খেল আৰম্ভনিৰ পূৰ্বেই কৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ তথা কাছাৰ সভাপতি তুলিৰাম ৰংহাঙ, সাংসদ হৰেণছিং বে’ আৰু সাধাৰ পংকজ টেৰণ লগতে প্ৰাক্তন বিধায়ক বিদ্যাছিং ইংলেঙৰ লগত খেলুৱৈ সকলক পৰিচয় কৰাই দিয়া হয় ৷
