নিউজ ডেস্কঃ
কৰোনাৰ দ্বিতীয় ঢৌত ক্রমাত বিপৰ্যস্ত হৈছে মহাৰাষ্ট্রৰ অৱস্থা। বৃহস্পতিবাৰে ঘোষণা হৈছিল, সোমবাৰৰ পৰা নাগপুৰত পূর্ণ লকডাউনৰ পথত আগবাঢ়িছে প্রশাসন। ইয়াৰ পিছত পুণেত কৰোনাৰ সংক্রমণ উল্লেখযোগ্যভাবে বৃদ্ধি পোৱাৰ কাৰণে কার্যকৰী কৰা হ’ল নিশাৰ কাৰ্ফিউ। প্রশাসন সূত্রৰ খবৰ মতে, ইয়াতো সংক্রমণ নিয়ন্ত্রণলৈ নাহিলে চহৰখনতো পূর্ণ লকডাউনৰ পথ ল’ব পাৰে উদ্ধৱ থাকৰেৰ প্রশাসনে।
পুণেত নিশা ১১টাৰ পৰা পুৱা ৬টা পর্যন্ত জাৰি থাকিব কাৰ্ফিউ। ৩১ মার্চ পর্যন্ত চহৰখনত বন্ধ থাকিব স্কুল-কলেজ। নিশা ১০টাৰ পৰা পুৱা ৬টা পর্যন্ত বন্ধ থাকিব হোটেল আৰু ৰেষ্টুৰেণ্ট। শ্বপিং মল নিশা ১০টাৰ পৰা পুৱা ৬টা পর্যন্ত বন্ধ ৰখা হ’ব। সন্ধ্যা সময়ত বন্ধ থাকিব সকলো পাৰ্ক। মহাৰাষ্ট্রৰ উপ-মুখ্যমন্ত্রী অজিত পাৱাৰে পুণেৰ পৰিস্থিতি সন্দৰ্ভত বিশেষ আলোচনাত বহিছে চহৰখনৰ সাংসদ, বিধায়ক আৰু মেয়ৰৰ সৈতে।
ইয়াৰ মাজতে আকোলা চহৰত শুক্রবাৰে নিশা ৮টাৰ পৰা সোমবাৰে পুৱা ৮টা পর্যন্ত সম্পূর্ণ লকডাউন ঘোষণা কৰা হৈছে। তাতো তীব্ৰগতিত কৰোনা সংক্রমণ বৃদ্ধি পোৱাত এই সিদ্ধান্ত লোৱা হৈছে। ইয়াৰ পূৰ্বে নাগপুৰ চহৰত ১৫ মার্চৰ পৰা ২১ মার্চ পর্যন্ত সম্পূর্ণ লকডাউনৰ ঘোষণা কৰিছে প্রশাসনে।
