তীব্ৰ প্ৰতিদ্বন্ধিতামুলক খেলত গোৱালপাৰাৰ হাতত কাৰবি আংলং ৫-৪ গ’লৰ ব্যৱধানত পৰাস্ত
তিনিচুকীয়া, ডিব্ৰগড়, মৰিগাঁও আৰু গোৱালপাৰাৰ অগ্ৰগতি
ASSAM TIMES POST
ছাইদুল ইছলাম, ডিফুঃ অসম ফুটবল সন্থাৰ তত্বাৱধনাত আৰু কাৰবি আংলং জিলা ক্ৰীড়া সন্থাৰ ব্যৱস্থাপনাত ডিফু আৰু হানজাংলাংছত চলি থকা ৬৮ সংখ্যক ক্ষিৰোদ বৰুৱা সোঁৱৰণি আন্ত:জিলা ফুটবল টুৰ্ণামেণ্টৰ আজিৰ প্ৰিকোৱাৰ্টাৰ ফাইনেল খেলত ক্ৰমে, তিনিচুকীয়া, ডিব্ৰুগড়, মৰিগাঁও আৰু গোৱালপাৰা জিলাই অগ্ৰগতি লাভ কৰি পৰৱৰ্তী খেলত প্ৰৱেশ কৰে ৷
https://youtu.be/Lk7794YUSTw
আজি ডিফুৰ নৱনিৰ্মিত কাছা ষ্টেডিয়ামত চলি থকা দিবা-নৈশৰ ফ্লাড লাইটৰ প্ৰিকোৱাৰ্টাৰ ফাইনেলৰ তীব্ৰ প্ৰতিদ্বন্ধিতামূলক খেলত গোৱাল পাৰা জিলাৰ হাতত ঘৰুৱা দল কাৰবি আংলং ৪-০ গ’লৰ ব্যৱধানত পৰাস্ত হয় ৷
খেলৰ প্ৰথমাৰ্ধত গোৱালপাৰাৰ ১০ নম্বৰ জাৰ্চীৰ খেলুৱৈ প্ৰথমটো গ’ ল দি দলক ১-০ অগ্ৰগতি প্ৰদান কৰাৰ পিছত দ্বিতীয়াৰ্ধৰ ৪৪ মিনিটত গোৱালপাৰাৰ ৭ নম্বৰ জাৰ্চীৰ খেলুৱৈ দ্বিতীয় গল দিয়ে ইয়াৰ পিছত ক্ৰমে গোৱালপাৰাৰ ৯ নম্বৰ জাৰ্চীৰ খেলুৱৈ শুক্ৰ ৰাভাই ৪৬, ৬৩ আৰু ৬৯ মিনিটত একাধিক্ৰমে তিনিটা গল দি দলৰ স্থিতি মজবুত কৰে যদিও দ্বিতীয়াৰ্দ্ধত কাৰবি আংলঙৰ খেলুৱৈ সকলে উজ্জীৱিতত আৰু তীব্ৰ প্ৰতিদ্বন্ধিতা আগবঢ়াই ক্ৰমে ৬০ মিনিটত ৭ নম্বৰ জাৰ্চীৰ খেলুৱৈ ১ গ’ল, ৮০ মিনিটত ৯নম্বৰ জাৰ্ছীৰ খেলুৱৈ দ্বিতীয়টো গ’ল, ৮১ আৰু ৮৫ মিনিটত ৫নম্বৰ জাৰ্চীৰ খেলুৱৈ জ্যোতিশ্বৰ ইংতিৰ দুটা গ’লেৰে মুঠ গোৱালপাৰাৰ ৪ টা গ’ ল পৰিশোধ কৰিবলৈ সক্ষম হয় যদিও দলৰ বাবে অন্তিম ৰক্ষা কৰিব নোৱাৰিলে ৷
খেলখন পৰিচালনা কৰে দেবাশীষ মজুমদাৰে, তেওঁক লাইনত সহায় কৰে ক্ৰমে লুকু দাস আৰু পলাশ কোঁৱৰে ৷ চতুৰ্থ ৰেফাৰীৰ দায়িত্বত আছিল পৱিত্ৰ বৰা ৷ আনহাতে হানজাংলাংচ’ খেল পথাৰত চলি থকা খেলত আজি ক্ৰমে তিনিচুকীয়াই মৰাণক ৫-৩, ডিব্ৰুগড়ে গোলাঘাটক ২-০ আৰু মৰিগাঁৱে মাৰ্ঘেৰিটাক ২- ১ ৰ ব্যৱধানত পৰাস্ত কৰি পৰৱৰ্তী ৰাউণ্ডত প্ৰৱেশ কৰে ৷
