নিউজ ডেক্স:
নতুন কৃষি আইনৰ বিৰুদ্ধে কৃষক আন্দোলনৰ আজি নৱম দিন। এক প্ৰকাৰ অৱৰুদ্ধ দিল্লীৰ পৰা এই আন্দোলন আঁতৰোৱাৰ বাবে ছুপ্রিম কোর্টত গোচৰ দাখিল হ’ল।
নৱেম্বৰৰ শেষত ৰাজধানী দিল্লীত আৰম্ভ হোৱা আন্দোলনত যোগ দিছে পঞ্জাৱ-হাৰিয়ানাৰ কৃষকৰ উপৰি উত্তৰ প্রদেশ, উত্তৰাখণ্ডসহ অন্যান্য ৰাজ্যৰ কৃষকসকলে। আন্দোলনৰ ফলত বাধ্য হৈ আৰক্ষীয়ে বন্ধ কৰি দিবলগা হয় একাধিক পথ। গাড়ীৰ চলাচলো লেহেমীয়া হয়।
তেনে পৰিপ্রেক্ষিতত এইবাৰ ছুপ্রিম কোর্টত কৃষক অপসাৰণৰ আবেদন কৰা হ’ল।
দিল্লী-হাৰিয়ানাৰ সীমান্তৰ পৰা কৃষকসকলক অপসাৰণৰ বাবে ছুপ্রিম কোর্টলৈ গৈছে ঋষভ শর্মা নামৰ এজন ব্যক্তি। ঋষভ শর্মাই সংবাদ মাধ্যমক জনোৱা মতে, কৃষকসকলৰ আন্দোলনৰ বাবে দিল্লীত স্বাস্থ্য সেৱাত ব্যাঘাত ঘটিছে।
সীমান্তত বিপুল সংখ্যক কৃষকে ভিৰ কৰাত ব্যাপকভাবে কৰোনা সংক্রমণ বিয়পি পৰাৰ বিষয়টিকো কোনো মতে উৰুৱাই দিব পৰা নাযায় যায়। ফলত দিল্লী আৰু এনচিআৰত গণ সংক্রমণৰো ভয় আছে। তেওঁৰ মতে, বিক্ষোভৰ বাবে নিশ্চিতভাবে নির্বাচিত স্থান থাকিব। কিন্তু আৰক্ষীয়ে ২৬ নৱেম্বৰত বুৰাৰিত এক স্থানত বিক্ষোভ কৰাৰ অনুমতি দিলেও কৃষকসকলে সেয়া প্রত্যাখান কৰে।
ঋষভৰ যুক্তি, কিছুদিন আগতে দিল্লীত কৰোনা মোকাবিলাত চৰকাৰী সেৱা দিয়াত সমস্যা হৈছিল। এনে অৱস্থাত সাধাৰণ মানুহৰ প্রাণৰ সংশয় উপেক্ষা কৰিব পৰা নাযায়। তাৰ উপৰি কৃষকসকলৰ জীবন যাতে কেতিয়াও বিপন্ন নহয় সেই দিশতো নজৰ ৰাখি তেওঁলোকক এতিয়াই সীমান্তৰ পৰা আঁতৰোৱা উচিত।
