নিউজ ডেস্কঃ
দৈনিক সর্বোচ্চ ৯ ঘণ্টাৰ সলনি এতিয়াৰে পৰা ১২ ঘণ্টা কাম কৰিব লাগিব শ্ৰমিকসকলে! খচৰা প্রস্তাৱত এয়াই জনাইছে শ্রম মন্ত্ৰালয়ে। অৱশ্যে মন্ত্ৰালয়ৰ এই প্রস্তাৱ চূড়ান্ত হোৱা নাই। তাকে কৰিবলৈ সকলোৰে পৰামর্শ বিচাৰিছে কেন্দ্রৰ এই মন্ত্ৰালয়ে। সেইবোৰ গ্রহণ কৰি, আলোচনাৰ মাধ্যমত চূড়ান্ত সিদ্ধান্ত লোৱা হ’ব পাৰে বুলি খবৰ প্ৰকাশ।
উল্লেখযোগ্য যে বৰ্তমান নিয়ম অনুযায়ী, সপ্তাহত ৬ দিনত প্ৰতিদিনে ৮ ঘণ্টাকৈ কাম কৰিব লাগে কৰ্মচাৰীসকলে। প্রতি সপ্তাহত ৪৮ ঘণ্টা কামৰ সময়সীমা বৰ্তমান একেই আছে বুলি জানিব পৰা গৈছে। কিন্তু বৰ্ধিত সময়ৰ কামৰ কথা বিস্তাৰিতভাবে খচৰাত জনাইছে শ্রম মন্ত্ৰালয়ে। অভাৰটাইম অর্থাৎ কামৰ বাহিৰত খুব বেছি ১ ঘণ্টা অতিৰিক্ত কাম কৰিবলগা হৈছিল। অর্থাৎ কোনোবা দিনা ৮ ঘণ্টাৰ সলনি ৯ ঘণ্টা কাম কৰিবলগা হৈছিল কর্মীসকলে।
কিন্তু শ্রম মন্ত্ৰালয়ৰ খচৰা প্রস্তাৱ অনুযায়ী, এতিয়াৰ পৰা প্রয়োজনত এক ঘণ্টা নহয়, চাৰি ঘণ্টা বেছি সময় কাম কৰিবলগা হ’ব পাৰে। অর্থাৎ দিনত সর্বোচ্চ ১২ ঘণ্টা কামৰ প্রস্তাৱ ৰাখিবলৈ আগবাঢ়িছে মন্ত্ৰালয়ে। অৱশ্যে দিনত যিমান ঘণ্টাই কাম নকৰক কিয়, সপ্তাহত কামৰ সময়ে ৪৮ ঘণ্টাৰ বেছি কোনো কাৰণতে কৰিব নোৱাৰিব।
