ষ্টাফ ৰিপ’ৰ্টাৰ:
ডিফু : কাৰবি আংলঙ ক্ৰীড়া সন্থাৰ অধীনত হানজাংলাংছ’ৰ খেল পথাৰত বিগত দুই সপ্তাহ ধৰি চলি থকা আন্তঃ ক্লাৱ ফুটবল চেম্পিয়নশ্বীপ ২০২০ চূড়ান্ত খেলত মাতগ্ৰীক এফচিয়ে চূড়ান্ত বিজয়ী খিতাপ অৰ্জন কৰিবলৈ সক্ষম হয় ৷
আজি হানজাংলাংছ খেল পথাৰত অনুষ্ঠিত তীব্ৰ প্ৰতিদ্বন্ধিতা মূলক চূড়ান্ত খেলখনত মাতগ্ৰীক এফচিৰ হৈ খেলৰ প্ৰথমাৰ্দ্ধৰ ৪২ মিনিটত মাতগ্ৰীক এফচিৰ পাৰছ বড়োৱে কংচিং এফচিক এক গলদি মাতগ্ৰীক এফচিক ১- ০ ৰ অগ্ৰগতি দিয়ে ৷
খেলৰ শেষলৈকে কংচিঙ এফচিয়ে তীব্ৰ প্ৰতিদ্বন্ধিতা আগবঢ়ায় যদিও শেষ ৰক্ষা কৰাত অসমৰ্থ হয় ৷ খেলখনত মেন অৱ দা টুৰ্ণামেণ্টৰ সন্মান লাভ কৰে মাতগ্ৰীক এফচি কৰে মাধ শইকীয়াই আৰু শ্ৰেষ্ট খেলুৱৈৰ সন্মান লাভ কৰে পাৰছ বড়োৱে ৷
বিজেতাক পুৰষ্কাৰ প্ৰদান কৰে লাংটুক তিমুঙ ( এছকে) আৰু কাছাৰ সম্পাদক হৰেণ ইংতিয়ে ৷ চূড়ান্ত বিজয়ী ট্ৰফী আৰু নগদ পুৰষ্কাৰৰ ধন প্ৰদান কৰে কাৰবি আংলং স্বায়ত্তশাসিত পৰিষদৰ কাৰ্যবাহী প্ৰাক্তন সদস্য জীৱন পাঠকে আৰু কাছা সাধাৰণ সম্পাদক পংকজ টেৰণে ৷
ইয়াৰোপৰি বঁটা বিতৰণি সভাত প্ৰাক্তন আন্তৰাষ্ট্ৰীয় খেলুৱৈ ছিং ৰংহাঙ আমন্ত্ৰিত অতিথি হিছাপে উপস্থিত থাকে ৷ খেল খন পৰিচালনা কৰে শঙ্কৰ তেৰাঙে ৷ তেওক লাইনত সহায় কৰে গুলচন ৰংপি আৰু বাবুৰাম টেৰণে ৷চতুৰ্থ ৰেফাৰী হিচাপে থাকে লক্ষী কিলিংপী লগতে মেছ আয়ুক্ত আছিল অমিত তেৰাঙ ৷
