নিউজ ডেস্কঃ
ফিটনেছ চর্চাত অহৰহ ব্যস্ত ভাৰতীয় ক্ৰিকেট দলৰ অধিনায়ক বিৰাট কোহালিয়ে কি ক’লে প্রধানমন্ত্রী নৰেন্দ্র মোদীক? ‘ফিট ইণ্ডিয়া’ গঢ়ি তুলিবলৈ মোদীৰ নতুন শ্লোগান— ‘ফিটনেছ কী ড’জ, আধা ঘণ্টা ৰোজ।’ অর্থাৎ, শৰীৰক সুস্থ কৰি ৰাখিবলৈ দৈনিক আধা ঘন্টা ফিটনেছ চর্চা কৰিব লাগিব।
‘ফিট ইণ্ডিয়া মুভমেন্ট’ৰ প্রথম বর্ষপূর্তিত বৃহস্পতিবাৰে ‘ফিট ইণ্ডিয়া ডায়লগ’ শীর্ষক ভার্চুৱেল বৈঠক আয়োজন কৰা হৈছিল। তাতেই প্রধানমন্ত্রীয়ে এই শ্লোগান দিয়ে। লগতে নতুন নিদান— ‘‘যি পৰিয়ালে একেলগে খেলে, তেওঁলোক একেলগেও থাকে।’’
বৈঠকত কোহলিৰ উপৰি উপস্থিত থাকে অভিনেতা মিলিন্দ চুমন, পুষ্টিবিদ ৰুজুতা দিৱেকৰ, পেৰা অলিম্পিকত জেভলিন থ্রত স্বৰ্ণজয়ী দেবেন্দ্র জাজাৰিয়া, জম্মু-কাশ্মীৰৰ ফুটবলাৰ আফচান আশিকৰ দৰে ব্যক্তিসকল। আলোচনাত মোদীয়ে কয়, ‘‘মানুহে স্বাস্থ্যকৰ খাদ্যত অভ্যস্ত হৈ উঠিছে। ইয়াত মই সুখী। ফিট থকাটো একো এটা কঠিন কথা নহয়। নিয়ম মানি চলিলেই ফিট থকাটো সম্ভৱ।’’
অনুষ্ঠানত কোহালিৰ খাদ্যাভাসৰ পৰা আৰম্ভ কৰি তেওঁৰ ফিটনেছ সংক্রান্তীয় বিভিন্ন বিষয়ত প্রশ্ন কৰে মোদীয়ে। কোহালিয়ে কয়, ‘‘আমাৰ দেশীয় খাদ্য, আমাৰ অঞ্চলৰ খোৱা-লোৱা প্রসঙ্গত আলোচনা কৰিছিলো। মনত পেলাই দেখিছো, এই খাদ্যাভাসৰ ফলত শাৰীৰিক কোনো সমস্যা নহয়। ফিটনেছ আৰু ডায়েটৰ ওপৰত গুৰিত্ব দিয়াত তেওঁৰ যথেষ্ট পৰিবর্তন আহিছে বুলিও কয়। কোহালিয়ে লগতে কয়, ‘‘কোনোবা দিনা ক্রিকেট অনুশীলন কৰিব নোৱাৰিলেও এনে কোনো এটা দিন নাই, যে মই মোৰ ফিটনেছ ছেছন বন্ধ ৰাখিছো।’’
