নিউজ ডেস্ক:
নামী কোম্পানীৰ মোটা দৰমহাৰ নিশ্চিত জীৱন এৰি ৰাস্তাৰ কাষত চাহৰ দোকান খুলিছে এগৰাকী ছফ্টৱেৰ ইঞ্জিনীয়াৰে। জানিব পৰা মতে, এই ব্যক্তিগৰাকী উইপ্রোত কর্মৰত আছিল। তেওঁৰ মতে ডাঙৰ ডাঙৰ কোম্পানিৰ চাকৰিয়ে মোটা অঙ্কৰ বেতন দিলেও মানসিক শান্তি দিব নোৱাৰে। সেয়ে চাকৰি এৰি তেওঁ বিকল্প পেছাৰ সন্ধান কৰে।
তেওঁ কয়, আমাৰ টেবুলত প্রতিদিনে চাহৰ কাপ থোৱা থাকে, কিন্তু সেই চাহত মই কোনোদিনে এনেকুৱা স্বাদ পোৱা নাই যাক ভাল বুলিব পাৰি। মই ভাল চাহৰ খুব ভক্ত, সেয়ে এনে এখন চাহ-দোকান কৰিব বিচাৰিছিলোঁ য’ত গ’লে মানুহে মনৰ মতে চাহ পাব। আৰু তাৰ বাবেই মই চাহৰ দোকান আৰম্ভ কৰিছোঁ আৰু নিজে হৈছোঁ ইঞ্জিনিয়াৰ চাহৱালা।”
আইএএছ বিষয়া অবনীশ চৰণে প্রথম এই চাহৰ দোকানৰ ছবি টুইট কৰে। ছবিত দেখা গৈছে নিজৰ সম্পর্কে সকলো বোৰেই তেওঁ লিখি দিছে দোকানত। মুহূৰ্ততে ভাইৰেল হৈ যায় সেই ছবিখন। দেশজুৰি উপচি পৰে প্রশংসাৰ বন্যা।
