কিছুদিন পূৰ্বে অন্ধ্ৰপ্ৰদেশৰ (Andra Pradesh) কাউণ্টাৰ ইনটেলিজেন্স চেলে (চি আই) (Counter intelligence cell) তামিলনাডুৰ পৰা পাকিস্তানলৈ চোৰাং তথ্য সৰবৰাহ (Smuggling information to Pakistan) কৰাৰ অভিযোগত এজন বঙালী নৌসেনাৰ বিষয়াক গ্ৰেপ্তাৰ কৰিছিল। কেৱল নৌসেনাৰ বিষয়াজনেই নহয়, চোৰাংচোৱা সংস্থাৰ সন্দেহযুক্ত লোকৰ তালিকাত আৰু ১৮ জন লোকৰ নাম আহিছে। ইয়াৰে ১৩ জন নৌসেনাৰ বিষয়া।
ইয়াৰ পিছত দেশৰ নিৰাপত্তা সম্পৰ্কীয় তথ্য পাকিস্তানী চোৰাংচোৱা সংস্থালৈ কোনে প্ৰেৰণ কৰি আছিল তাৰ ওৰত কাউণ্টাৰ ইনটেলিজেন্স চেলে অভিযান আৰম্ভ কৰে। এই অভিযানৰ নাম দিয়া হৈছে ‘অপাৰেচন ফায়াৰৱাল ২০২৬’। দেশৰ ১০ খন ৰাজ্য আৰু কেন্দ্ৰীয়শাসিত অঞ্চলত ১২টা দলত তালাচী চলাইছে। অন্ধ্ৰপ্ৰদেশৰ বিশাখাপট্টনমৰ পৰা চোৰাংচোৱাগিৰিৰ অভিযোগত নৌসেনাৰ বিষয়াজনক গ্ৰেপ্তাৰ কৰাৰ পিছৰে পৰা তালাচী তীব্ৰতৰ হৈ পৰিছে।
সূত্ৰ অনুসৰি, অন্ধ্ৰপ্ৰদেশৰ বাহিৰেও কেৰালা, কৰ্ণাটক, মহাৰাষ্ট্ৰ, গোৱা, দিল্লী, গুজৰাট, তামিলনাডু, বিহাৰ আৰু ছত্তীশগড়ত তালাচী চলোৱা হৈছে। তদন্তমূলক সূত্ৰই দাবী কৰিছে যে পাকিস্তানী হেণ্ডলাৰ বা চোৰাংচোৱা এজেণ্টৰ সৈতে যোগাযোগ মূলতঃ ‘এনক্ৰিপ্ট’ প্লেটফৰ্মৰ জৰিয়তে হয়। ইয়াৰে দুজনক ইতিমধ্যে গ্ৰেপ্তাৰ কৰা হৈছে। তদন্তকাৰী সূত্ৰ অনুসৰি, বিশাখাপট্টনম নৌসেনা ঘাটিকে ধৰি দেশৰ অন্যান্য প্ৰান্তত সামৰিক আৰু নিৰাপত্তা সম্পৰ্কীয় তথ্য ফাদিল হৈছে। নৌসেনাৰ বিষয়া, সন্ত্ৰাসবাদ বিৰোধী শাখা আৰু স্থানীয় আৰক্ষী প্ৰশাসনৰ সহায়ত ১৮ জন সন্দেহযুক্ত লোকৰ ঠিকনাত তালাচী চলোৱা হয়। তেওঁলোকৰ পৰা কেইবাটাও নথি-পত্ৰ, ইলেক্ট্ৰনিক গেজেট আৰু মোবাইল জব্দ কৰে।
তদন্তকাৰীয়ে জনোৱা মতে, দুদিনমান পূৰ্বে কয়ম্বটুৰৰ পৰা পশ্চিমবংগৰ বাসিন্দা প্ৰদীপ মুখাৰ্জী নামৰ এজন নৌসেনাৰ জোৱানক গ্ৰেপ্তাৰ কৰা হৈছিল। আদালতে তেওঁক ১৪ অক্টোবৰলৈ ন্যায়িক জিম্মাত ৰখাৰ নিৰ্দেশ দিছে। ইয়াৰ উপৰি নৌসেনা বিষয়াৰ গাড়ীচালক অন্নম সাই ভৰা প্ৰসাদক গ্ৰেপ্তাৰ কৰা হৈছে। অভিযোগ কৰা হৈছে যে দুয়োজনে বৃহৎ পৰিমাণৰ ধনৰ বিনিময়ত পাকিস্তানলৈ তথ্য সৰবৰাহ কৰিছিল। কেনেধৰণৰ তথ্য সৰবৰাহ কৰা হৈছিল, আৰু কি কি সংবেদনশীল তথ্য সৰবৰাহ কৰা হৈছিল তদন্তকাৰীয়ে তাৰ তদন্ত কৰি আছে।
