মাতৃৰ চিকিৎসা কৰাবলৈ আহি গুৱাহাটীৰ বি বৰুৱা কেঞ্চাৰ প্ৰতিষ্ঠানত অকাল মৃত্যুক সাৱটি ল’লে পুত্ৰই। দেওবাৰে বিয়লি সংঘটিত হয় এই ভয়ংকৰ ঘটনা।
নিৰ্মীয়মান বিল্ডিঙৰ চাদৰ এখন প্লেট ভাঙি পৰি মনোৱাৰ হুছেইন নামৰ লোকজন গুৰুতৰভাৱে আঘাতপ্ৰাপ্ত হয়।
জানিব পৰা মতে, ফোনত কথা পাতি পাতি নিৰ্মীয়মান বিল্ডিঙৰ তললৈ গৈছিল মনোৱাৰ হুছেইন। সেই সময়তে বিল্ডিঙৰ চাদৰ এখন প্লেট ভাঙি তেওঁৰ গাত পৰে।
দুৰ্ঘটনাটোত গুৰুতৰভাৱে আঘাতপ্ৰাপ্ত মনোৱাৰক ততাতৈয়াকৈ GMCHলৈ লৈ যোৱা হয়। কিন্তু চিকিৎসাধীন অৱস্থাতে মৃত্যুক সাৱটি লয় মনোৱাৰে।
মাতৃৰ চিকিৎসাৰ বাবে বি বৰুৱা কেঞ্চাৰ প্ৰতিষ্ঠানলৈ অহা মনোৱাৰৰ এইদৰে চিকিৎসালয় চৌহদতে মৃত্যু ঘটাত শোকৰ ছাঁ পৰিছে। নিৰ্মীয়মান বিল্ডিঙৰ নিৰাপত্তা ব্যৱস্থা আৰু ঘটনাটোৰ কাৰণ সন্দৰ্ভত তদন্তৰ দাবী উত্থাপন হৈছে।
