মেটাই (Meta) ‘ইউজাৰ নেম’ (User Name) ব্যৱস্থাত নিজৰ ব্যাখ্যা দিবলৈ আৰু কিছু সময় পালে। কেন্দ্ৰীয় ইলেক্ট্ৰনিকছ আৰু তথ্য-প্ৰযুক্তি মন্ত্ৰালয়ে তেওঁলোকক এই বিষয়ত ৬ জুলাইৰ ভিতৰত সঁহাৰি দিবলৈ কৈছিল। এই সময়সীমা ৯ জুলাইলৈ বৃদ্ধি কৰা হৈছে বুলি মন্ত্ৰালয়ৰ এজন বিষয়াই জনায়। কেন্দ্ৰই মেটাক ফোন নম্বৰ অবিহনে কেৱল নাম (ইউজাৰনেম) ব্যৱহাৰ কৰি ৱাটছএপত বাৰ্তা প্ৰেৰণৰ ব্যৱস্থা প্ৰৱৰ্তনৰ পৰিকল্পনাৰ বিষয়ে বুজাবলৈ কয়। এই সন্দৰ্ভত স্পষ্টীকৰণ বিচাৰি তেওঁলোকক এখন জাননীও প্ৰেৰণ কৰা হয়। আলোচনাৰ সময় শেষ নোহোৱালৈকে ভাৰতত ‘ইউজাৰ নেম’ ব্যৱস্থা প্ৰৱৰ্তন কৰিব নোৱাৰিব বুলিও জনোৱা হয়।
সংবাদ সংস্থা পিটিআইৰ বাতৰি অনুসৰি, কেন্দ্ৰই ইতিমধ্যে প্ৰস্তাৱিত ‘ইউজাৰ নেম’ সম্পৰ্কে আইনী কাঠামো আৰু আইনৰ বিভিন্ন ধাৰা পুনৰীক্ষণ কৰিছে। আলোচনাৰ সময় শেষ নোহোৱালৈকে ভাৰতত ‘ইউজাৰ নেম’ ব্যৱস্থা প্ৰৱৰ্তন কৰিব নোৱাৰিব বুলিও জনোৱা হয়। সংবাদ সংস্থা পিটিআইৰ সূত্ৰ অনুসৰি, কেন্দ্ৰই ইতিমধ্যে প্ৰস্তাৱিত ‘ইউজাৰ নেম’ সন্দৰ্ভত আইনী কাঠামো আৰু আইনৰ বিভিন্ন ধাৰা পুনৰীক্ষণ কৰিছে। মেটাৰ প্ৰস্তাৱিত নতুন বৈশিষ্ট্যই কোনো সংকটৰ সৃষ্টি কৰিব নেকি সেয়া নিশ্চিত হোৱাৰ পিছতহে ইয়াক ভাৰতত ব্যৱহাৰৰ অনুমতি দিয়া হ’ব।
