পুনৰ জ্বলিছে মণিপুৰৰ বিষ্ণুপুৰ (Bishnupur of Manipur is burning) জিলা। ভয়ংকৰ বিস্ফোৰণত দুই নাবালকৰ কৰুণ মৃত্যু (Tragic death of two minors) তেওঁলোকৰ মাতৃ গুৰুতৰভাৱে আহতৰ হোৱাৰ পিছতে ক্ষোভৰ অগনি জ্বলিছে বিষ্ণুপুৰত। এই বোমা বিস্ফোৰণৰ ঘটনাই বিষ্ণুপুৰৰ লগতে ইয়াৰ আশে-পাশে থকা জিলাসমূহতো উত্তেজনা বিয়পাইছে।
সংবাদ মাধ্যমৰ সূত্ৰ মতে, সন্দেহযুক্ত ৰকেট আক্ৰমণৰ বাবে মণিপুৰৰ বৃহৎ অঞ্চলত পুনৰবাৰ প্ৰতিবাদ হয়। ইয়াৰ বাবে মঙলবাৰৰ পৰা মণিপুৰৰ ৫ খন জিলাত (5 Dist.) ইণ্টাৰনেট সেৱা বন্ধ (Internet service is down) হৈ পৰিছে। এখন জিলাত জাৰি কৰা হৈছে কাৰ্ফিউ।
ইম্ফল ইষ্ট, ইম্ফল পশ্চিম, বিষ্ণুপুৰ, কাকচিং, থৌবালত আগন্তুক তিনিদিনৰ বাবে ইণ্টাৰনেট সেৱা বন্ধ থাকিব বুলি প্ৰশাসনে জনাইছে। মঙলবাৰে দিনৰ ২ বজাৰ পৰা বন্ধ আছে ইণ্টাৰনেট সেৱা। বিষ্ণুপুৰ জিলাতো জাৰি কৰা হৈছে কাৰ্ফিউ।
আৰক্ষীয়ে জনোৱা মতে, সোমবাৰে মাজনিশা মৈৰাং ট্ৰংলাওবিৰ বি এছ এফৰ এজন জোৱানৰ ঘৰত দুষ্কৃতিকাৰীয়ে আক্ৰমণৰ লক্ষ্য কৰি লয়। এই বিস্ফোৰণত জোৱানজনৰ পাঁচ বছৰীয়া পুত্ৰ আৰু ছমহীয়া নৱজাত কন্যাৰ মৃত্যু হয়। তেওঁলোক সকলো শুই আছিল। এই আক্ৰমণত তেওঁৰ পত্নীও গুৰুতৰভাৱে আহত হয়।
এই ঘটনাৰ কিছু সময়ৰ পিছতে ক্ষুব্ধ স্থানীয় লোকে ট্ৰংলাওবি অঞ্চলৰ পৰা ২০০ মিটাৰ দূৰৈৰ স্থানীয় চি আৰ পি এফ শিবিৰত আক্ৰমণ কৰে। অঞ্চলটোত ব্যাপক ক্ষতিসাধন হয়। সামগ্ৰী কঢ়িয়াই অনা কেইবাখনো ট্ৰাকত জুই লগাই দিয়ে। মৈৰাং থানাৰ সন্মুখত টায়াৰ জ্বলাই প্ৰতিবাদ সাব্যস্ত কৰে। বন্দুকৰ গুলীও শুনা যায়। প্ৰতিবাদত আৰু চাৰিজন লোক আহত হয়।
এই ঘটনাৰ পিছতে মণিপুৰৰ মুখ্যমন্ত্ৰী খেমাচান্দ সিঙে ক্ষোভ প্ৰকাশ কৰে। ইতিমধ্যে ইম্ফলৰ এখন চিকিৎসালয়ত মৃত শিশু দুটাৰ আহত মাতৃক সাক্ষাৎ কৰিছে। মুখ্যমন্ত্ৰীয়ে কয়, “এয়া বৰ্বৰ আক্ৰমণ। মণিপুৰৰ শান্তি বিনষ্ট কৰাৰ ষড়যন্ত্ৰ। এই আক্ৰমণক মই তীব্ৰ গৰিহণা দিছোঁ। যিয়েই এই ঘটনা সংঘটিত কৰিছে তাৰ বিচাৰি উলিয়াই কঠোৰ শাস্তি দিয়া হ’ব। এনে সন্ত্ৰাসবাদী কাৰ্যক মই কোনো ধৰণে সহ্য নকৰো।”
