চৰকাৰী তেল কোম্পানী (Government oil company)য়ে ঔদ্যোগিক খণ্ডত ব্যৱহৃত (Used in the industrial sector) ডিজেলৰ মূল্য একেধাপে প্ৰতি লিটাৰত ২৮.২২ টকালৈ বিপুল পৰিমাণে বৃদ্ধি (Increase in diesel price) কৰিছে। এতিয়াৰে পৰা ঔদ্যোগিক কোম্পানীসমূহে ১৩৭.৮১ টকাত এক লিটাৰ (137.81 taka per liter) ডিজেল ক্ৰয় কৰিব লাগিব। অৰ্থাৎ পাইকাৰী বজাৰত ডিজেলৰ মূল্য প্ৰায় ২৫ শতাংশ বৃদ্ধি পাইছে।
জানিব পৰা মতে, ইণ্ডিয়ান অইল আৰু ভাৰত পেট্ৰ’লিয়ামৰ দৰে কোম্পানীয়ে বুধবাৰৰ পৰা এই নতুন মূল্য কাৰ্যকৰী কৰিছে। তেল কোম্পানীসমূহৰ আভ্যন্তৰীণ সূত্ৰ অনুসৰি, এই মূল্যবৃদ্ধি মূলতঃ বৃহৎ বাণিজ্যিক আৰু ঔদ্যোগিক কোম্পানীসমূহৰ ক্ষেত্ৰত প্ৰযোজ্য। মধ্য এছিয়াৰ যুদ্ধ পৰিস্থিতিৰ বাবে বিশ্ব বজাৰত খাৰুৱা তেলৰ মূল্য বৃদ্ধি পোৱাৰ বাবেই এই সিদ্ধান্ত লোৱা হৈছে বুলি খবৰ পোৱা গৈছে। ডিজেলৰ লগতে ফাৰ্নেচ তেলৰ মূল্যও প্ৰতি লিটাৰত ২৩.৭৭ টকা বৃদ্ধি পাইছে।
জানিব পৰা মতে, তেল কোম্পানীয়ে উদ্যোগটোক আশ্বাস দিছে যে মূল্যবৃদ্ধি হ’লেও যোগানৰ কোনো অভাৱ নহ’ব। অৱশ্যে সাধাৰণ মানুহৰ বাবে ভাল খবৰ যে সাধাৰণ পেট্ৰ’ল পাম্পত ডিজেলৰ মূল্যৰ কোনো পৰিৱৰ্তন হোৱা নাই। ফলত বাছ বা ব্যক্তিগত গাড়ীৰ মালিকে অতিৰিক্ত ধন দিব নালাগিব।
উল্লেখ্য যে বিগত দুসপ্তাহত দ্বিতীয়বাৰৰ বাবে পাইকাৰী ডিজেলৰ দাম বৃদ্ধি পাইছে। ইয়াৰ পূৰ্বে ২০ মাৰ্চত এই ডিজেলৰ মূল্য প্ৰতি লিটাৰত প্ৰায় ২২ টকাকৈ দিল্লীত বৃদ্ধি কৰা হৈছে। একে সময়তে ‘প্ৰিমিয়াম’ পেট্ৰ’লৰ মূল্যও প্ৰতি লিটাৰত ২ টকা বৃদ্ধি পাইছে। আন্তঃৰাষ্ট্ৰীয় বজাৰত খাৰুৱা তেলৰ মূল্য এতিয়া প্ৰতি বেৰেলত ১০৮.৪০ ডলাৰ। দেশত তেলৰ যোগান অটুট ৰাখিবলৈ কেন্দ্ৰই ডিজেল আৰু জেট ইন্ধন ৰপ্তানিৰ ওপৰত অতিৰিক্ত কৰ আৰোপ কৰিছে। পেট্ৰ’লিয়াম মন্ত্ৰালয়ে দেশত পৰ্যাপ্ত পৰিমাণৰ তেলৰ মজুত থকা বুলি প্ৰকাশ কৰিছে। ইয়াৰ উপৰি শোধনাগাৰসমূহেও পূৰ্ণ গতিৰে কাম কৰি আছে। এই পৰ্যন্ত খুচুৰা বজাৰত সাধাৰণ জনতাৰ বাবে পেট্ৰ’ল-ডিজেলৰ মূল্য অপৰিৱৰ্তিত হৈ আছে।
