গণৰাজ্য দিৱসৰ (Republic Day) পেৰেডত (Parade) পুৰুষ জোৱানক নেতৃত্ব দিব এগৰাকী যুৱতীয়ে। ২৬ জানুৱাৰীত দিল্লীত চি আৰ পি এফ দলৰ প্ৰায় ১৫০ গৰাকী পুৰুষ জোৱানৰ পেৰেড গ্ৰুপৰ নেতৃত্ব দিবলৈ ওলাইছে মহিলা জোৱান ছিমৰন বালাই (Young woman Simran Bala)। ভাৰতৰ ইতিহাসত এয়া প্ৰথমবাৰ হ’ব। ২৬ বছৰীয়া ছিমৰান জম্মু-কাশ্মীৰৰ এগৰাকী কন্যা। অৰ্ধসামৰিক বাহিনীৰ সহকাৰী অধিনায়ক হিচাপে তেওঁ কৰ্মৰত। সংবাদ সংস্থা পি টি আইৰ এক প্ৰতিবেদন অনুসৰি, মাত্ৰ পাঁচ দিনৰ ভিতৰতে গণৰাজ্য দিৱসৰ পেৰেডত সৰ্বপুৰুষ চি আৰ পিএফ দল এটাৰ নেতৃত্ব দি তেওঁ এক নজিৰ গঢ়ি তুলিব। কাৰণ যদিও ইয়াৰ পূৰ্বেও মহিলা জোৱানে পেৰেড গ্ৰুপৰ নেতৃত্ব দিছে, তথাপিও কোনো মহিলাই সৰ্বপুৰুষৰ দল এটাৰ নেতৃত্ব দিয়া দেখা পোৱা নাই। তেনে ক্ষেত্ৰত ছিমৰন প্ৰথম হ’ব।
জম্মুৰ ৰাজৌৰী জিলাৰ এখন সৰু চহৰ নৌশ্বেৰা। ছিমৰনৰ জন্ম তাতেই। ছিমৰনে জম্মুৰ গান্ধীনগৰৰ চৰকাৰী কন্যা মহাবিদ্যালয়ৰ পৰা ৰাজনীতি বিজ্ঞানত স্নাতক ডিগ্ৰী লাভ কৰে। ২০২৫ চনত ইউ পি এছ চিৰ দ্বাৰা পৰিচালিত চি এ পি এফ এচিষ্টেণ্ট কমাণ্ডেণ্ট পৰীক্ষাত উত্তীৰ্ণ হয়। সেই বছৰৰ এপ্ৰিল মাহত তেওঁ দেশৰ সৰ্ববৃহৎ অৰ্ধসামৰিক বাহিনীটোত যোগদান কৰে। গুৰুগ্ৰামৰ চি আৰ পি এফ একাডেমীত প্ৰশিক্ষণৰ সময়ত শ্ৰেষ্ঠ বিষয়াৰ বঁটাও লাভ কৰে।
সমগ্ৰ ৰাজৌৰী জিলাৰ ভিতৰতে চি আৰ পি এফ বিষয়া হোৱা প্ৰথমগৰাকী মহিলা ছিমৰন। প্ৰথম অৱস্থাত ছিমৰনক ছত্তীশগড়ৰ ‘বস্তৰীয়া’ বেটেলিয়নত নিযুক্তি দিয়া হৈছিল। তেওঁক নক্সালবিৰোধী অভিযান চলোৱাৰ দায়িত্ব দিয়া হৈছিল।
গণৰাজ্য দিৱসৰ পৰম্পৰাগত পেৰেডতো ছিমৰনক ডাঙৰ দায়িত্ব দিয়া হৈছে। আৰু মাত্ৰ কেইদিনমান বাকী। প্ৰতি বছৰৰ দৰে এইবাৰো গণৰাজ্য দিৱসৰ পেৰেড দলটোৱে কৰ্তব্য পথত ৰাইচিনা পাহাৰৰ পৰা ইণ্ডিয়া গে’টলৈকে লালকিল্লালৈ যাত্ৰা কৰিব। সেনাৰ জোৱানসকলে ভাৰতৰ সামৰিক শক্তি আৰু সাংস্কৃতিক বৈচিত্ৰ্য প্ৰদৰ্শন কৰিব। এইবাৰ ৰয়েল এনফিল্ড বুলেট বাইক চলোৱা চি আৰ পি এফ আৰু সশস্ত্ৰ সীমা বলৰ (এছ এছ বি) মহিলা ‘ডেয়াৰডেভিল’ৰ যৌথ দলেও এই পেৰেডত যোগদান কৰিব। ২০২০ চনৰ গণৰাজ্য দিৱসৰ পেৰেডতো এই কৃতিত্ব প্ৰদৰ্শন কৰিছিল দুয়োটা শক্তিৰ মহিলা জোৱানে। ইয়াৰ উপৰি এইবাৰ জোৱানসকলে উটত উঠি সীমান্তৰক্ষী বাহিনীক প্ৰতিনিধিত্ব কৰিব। এইবাৰৰ পেৰেডত উপস্থিত থাকিব চি আই এছ এফৰ পেৰেড আৰু বেণ্ড।
