উচ্চতম ন্যায়ালয়ে (Supreme Court) কেন্দ্ৰ আৰু ৰাজ্যসমূহক পথৰ কুকুৰে কামোৰা (Dog bites)ৰ ঘটনাৰ বিষয়ে সতৰ্কবাণী জাৰি কৰিছে। ন্যায়াধীশ বিক্ৰম নাথ, সন্দীপ মেহতা আৰু ন্যায়াধীশ এন ভি অঞ্জাৰিয়াৰ বিচাৰপীঠে কয় যে যদি কুকুৰে কামোৰা বা কামোৰাৰ ফলত শিশু বা বৃদ্ধৰ মৃত্যু হয়, তেন্তে বৃহৎ পৰিমাণৰ ক্ষতিপূৰণ পৰিশোধ কৰিব পাৰি। এই দায়িত্ব ৰাজ্যৰ কান্ধত পৰিব।মঙলবাৰে তিনিজনীয়া বিচাৰপীঠে কয় যে ৰাজ্যসমূহে পথৰ কুকুৰৰ সমস্যা সমাধানৰ বাবে একো কৰা নাই।
একে সময়তে, উচ্চতম ন্যায়ালয়ে স্পষ্ট কৰি দিছে যে তেওঁলোকেও সমগ্ৰ বিষয়টোত সাৱধান হ’ব লাগিব। উচ্চতম ন্যায়ালয়ে কয়, “এই ক্ষেত্ৰত দায়িত্ব আপোনাৰো৷ কেৱল পথৰ কুকুৰবোৰৰ বিষয়ে চিন্তা কৰিলেই হ’বনে? মানুহৰ কথা নাভাবেনে? কুকুৰবোৰক আপোনাৰ নিজৰ ঘৰলৈ লৈ যাওক। সিহঁতক যত্ন কৰি ৰাখক। সিহঁতে ৰাস্তাত কিয় ঘূৰি ফুৰে?
সাধাৰণ মানুহক কামুৰা, খেদি ফুৰিবানে? যেতিয়া কুকুৰে কামোৰে৷ ইয়াৰ ক্ষতি গোটেই জীৱনজুৰি থাকে।” দেশজুৰি পথৰ কুকুৰৰ আক্ৰমণৰ ঘটনা বৃদ্ধি পোৱাৰ পৰিপ্ৰেক্ষিতত ৰুজু কৰা এক স্বতঃস্ফূৰ্ত গোচৰত বৃহস্পতিবাৰে উচ্চতম ন্যায়ালয়ে কয়, “কুকুৰবোৰে সহজে বুজি পাব পাৰে কোনে ভয় খাইছে।
সেয়েহে যদি কোনোবাই কুকুৰক ভয় কৰে, তেওঁলোকে তাক কামুৰে। জীৱ-জন্তুবোৰে প্ৰায়ে মানুহৰ আচৰণৰ প্ৰতি প্ৰতিক্ৰিয়া প্ৰকাশ কৰে বুলি উল্লেখ কৰি তিনিজনীয়া বিচাৰপীঠে কয় যে মানুহৰ ভয়ে প্ৰায়ে কুকুৰক আক্ৰমণ কৰাৰ প্ৰৱণতা সৃষ্টি কৰে। মঙলবাৰে তিনিজন ন্যায়াধীশে ৰাজ্যসমূহক দোষাৰোপ কৰিছিল। “কুকুৰে কামোৰা, শিশু বা প্ৰাপ্তবয়স্কৰ মৃত্যু বা আঘাতৰ প্ৰতিটো ঘটনাৰ বাবে, আমি ৰাজ্য চৰকাৰক বৃহৎ পৰিমাণৰ ক্ষতিপূৰণ পৰিশোধ কৰিবলৈ ক’ম,” তেওঁলোকে কয়। কাৰণ তেওঁলোকে যোৱা পাঁচ বছৰত নিয়মবোৰ কাৰ্যকৰী কৰিবলৈ একো কৰা নাই। ইয়াৰ উপৰিও, পথৰ কুকুৰবোৰক খুৱাই থকাসকলৰ ওপৰত দায়িত্ব আৰু জবাবদিহিৰ দায়বদ্ধতা থাকিব।”
