১৩৬ কেজি কোকেইন (136 kilograms of cocaine)সহ আটক দুই ভাৰতীয় ট্ৰাক চালক (Two Indian truck drivers arrested)। আমেৰিকাৰ ইণ্ডিয়ানাত গ্ৰেপ্তাৰ (Arrested in Indiana, USA) কৰা হয় দুয়োকে। দেশখনৰ গৃহ নিৰাপত্তা বিভাগে (ডি এইচ এছ) এক বিবৃতি প্ৰকাশ কৰি এই কথা ঘোষণা কৰে। ডি এইচ এছৰ সূত্ৰৰ পৰা জানিব পৰা মতে, এখন ট্ৰাকত এই ড্ৰাগছ সৰবৰাহ কৰিছিল। তালাচীৰ সময়ত ট্ৰাকখনৰ পৰা ১৩৬ কেজি ড্ৰাগছ উদ্ধাৰ কৰা হয়।
ডি এইচ এছৰ সূত্ৰ অনুসৰি, যোৱা ৪ জানুৱাৰীত ইণ্ডিয়ানাৰ পুটনাম কাউণ্টিৰ পৰা গুৰপ্ৰীত সিং আৰু যশবীৰ সিং নামৰ দুজন ভাৰতীয়ক ড্ৰাগছসহ গ্ৰেপ্তাৰ কৰা হয়। বিবৃতিটোত কোৱা হৈছে যে উদ্ধাৰ হোৱা ড্ৰাগছৰ পৰিমাণৰ ফলত ১ লাখ ১৩ হাজাৰতকৈ অধিক আমেৰিকান লোকৰ মৃত্যু হ’লহেঁতেন।
ডি এইচ এছৰ সূত্ৰ অনুসৰি, ২০২৩ চনৰ ১১ মাৰ্চত গুৰপ্ৰীতে অবৈধভাৱে আমেৰিকাত প্ৰৱেশ কৰিছিল। তাৰ পিছতে তেওঁক গ্ৰেপ্তাৰ কৰা হৈছিল। অৱশ্যে প্ৰাক্তন ৰাষ্ট্ৰপতি জো বাইডেনৰ সময়ত তেওঁক মুকলি কৰি দিয়া হৈছিল। ডি এইচ এছে কয় যে গুৰপ্ৰীতে নিজেই স্বীকাৰ কৰিছিল যে তেওঁ অবৈধভাৱে আমেৰিকাত প্ৰৱেশ কৰিছিল।
আনহাতে, ২০১৭ চনত আমেৰিকাত প্ৰৱেশ কৰা যশবীৰক কেলিফোৰ্ণিয়াত গ্ৰেপ্তাৰ কৰা হৈছিল যদিও তেওঁকো পিছত মুকলি কৰি দিয়া হৈছিল। আৰক্ষীৰ সূত্ৰৰ পৰা জানিব পৰা মতে, ধৃতসকলক জেৰা কৰি ক’ৰ পৰা ড্ৰাগছ সৰবৰাহ কৰা হৈছিল সেই বিষয়ে জানিবলৈ চেষ্টা অব্যাহত আছে। উল্লেখ্য যে আমেৰিকাৰ ৰাষ্ট্ৰপতি ড’নাল্ড ট্ৰাম্পে ক্ষমতালৈ অহাৰ পিছতে ড্ৰাগছ সন্ত্ৰাসবাদৰ সন্দৰ্ভত সৰৱ হৈ পৰিছে। তেওঁ বাৰে বাৰে মেক্সিকো, কলম্বিয়া, ভেনিজুৱেলাৰ দৰে দেশত আমেৰিকাত ড্ৰাগছৰ সন্ত্ৰাসবাদ চলোৱাৰ অভিযোগ উত্থাপন কৰি আহিছে। সেই অভিযোগত আমেৰিকান বাহিনীয়ে যোৱা শনিবাৰে ভেনিজুৱেলাত সামৰিক অভিযানত ৰাষ্ট্ৰপতি নিকোলাছ মাদুৰো আৰু তেওঁৰ পত্নীক গ্ৰেপ্তাৰ কৰি আমেৰিকালৈ লৈ যায়। সমগ্ৰ বিশ্ব এই ঘটনাক লৈ উত্তাল হৈ পৰিছে।
