আগন্তুক মেট্ৰিক আৰু উচ্চতৰ ( মাধ্যমিক চূড়ান্ত বৰ্ষৰ পৰীক্ষাৰ (HSLC Exam) দিন ঘোষণা। ২০২৬ বৰ্ষৰ হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ চূড়ান্ত বৰ্ষৰ পৰীক্ষা অনুষ্ঠিত হ’ব বিধানসভা নিৰ্বাচনৰ পূৰ্বে ৷
১০ ফেব্ৰুৱাৰীৰ পৰা মেট্ৰিক আৰু ১১ ফেব্ৰুৱাৰীৰ পৰা উচ্চতৰ মাধ্যমিকৰ চূড়ান্ত বৰ্ষৰ পৰীক্ষা আৰম্ভ হ’ব৷
মুখ্যমন্ত্ৰী ডঃ হিমন্ত বিশ্ব শৰ্মাই সামাজিক মাধ্য়মযোগে এই দিন ঘোষণা কৰিছে৷ লগতে পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীসকলক মুখ্যমন্ত্ৰীয়ে শুভেচ্ছাও জ্ঞাপন কৰিছে৷
উল্লেখ্য যে অহা বছৰ অনুষ্ঠিত হ’ব অসম বিধানসভাৰ নিৰ্বাচন৷ সেয়ে নিৰ্বাচনৰ প্ৰভাৱ যাতে পৰীক্ষাত নপৰে তাৰ বাবে নিৰ্বাচনৰ পূৰ্বে অৰ্থাৎ বছৰটোৰ আৰম্ভণিতে পৰীক্ষাসমূহ অনুষ্ঠিত হ’ব৷ নিৰ্বাচন এপ্ৰিল বা মে’ মাহত, অৰ্থাৎ ব’হাগ বিহুৰ আগত বা পিছত নিৰ্বাচন অনুষ্ঠিত হোৱাৰ সম্ভাৱনা আছে৷
