মেঘালয়ত থকা পথৰ কুকুৰ অত্যন্ত বিপজ্জনক (Meghalaya Street Dogs)। ই জনসাধাৰণৰ সুৰক্ষাৰ প্ৰতি ভয়াৱহ ভাবুকি কঢ়িয়াই আনিছে। অঘৰী কুকুৰৰ সৈতে জড়িত পি আই এলত উচ্চতম ন্যায়ালয়ক উচ্চ ন্যায়ালয়ৰ পৰা গোচৰটো হস্তান্তৰ নকৰিবলৈ উচ্চ ন্যায়ালয়ে অনুৰোধ জনাইছে। মেঘালয় উচ্চ ন্যায়ালয়ৰ যুক্তি, কুকুৰৰ আক্ৰমণাত্মক স্বভাৱৰ বাবেই সমস্যাটো পৃথক।
দেশৰ বিভিন্ন উচ্চ ন্যায়ালয়ত বিচাৰাধীন হৈ থকা বাটৰ কুকুৰৰ সৈতে জড়িত কেইবাখনো পি আই এলৰ দায়িত্ব লোৱাৰ নিৰ্দেশ উচ্চতম ন্যায়ালয়ৰ। এই পৰিপ্ৰেক্ষিতত মেঘালয় উচ্চ ন্যায়ালয়ৰ আবেদন যথেষ্ট তাৎপৰ্যপূৰ্ণ। মেঘালয়ৰ পথৰ কুকুৰৰ সমস্যাৰ বিষয়টো দেশৰ আন প্ৰান্তৰ তুলনাত সম্পূৰ্ণ পৃথক বুলি উল্লেখ কৰিছে।
৩০ আগষ্টত মেঘালয় উচ্চ ন্যায়ালয়ৰ মুখ্য ন্যায়াধীশ আই পি মুখাৰ্জী আৰু ন্যায়াধীশ ডব্লিউ ডিয়েংডোৰ বিভাগীয় বিচাৰপীঠে তেওঁলোকৰ নিৰ্দেশত কয়, “যদিও আন উচ্চ ন্যায়ালয় আৰু উচ্চতম ন্যায়ালয়ত পথৰ কুকুৰৰ গোচৰত বহু সাদৃশ্য থাকিব পাৰে, আমি অনুভৱ কৰোঁ যে এই ৰাজ্যত এই কুকুৰৰ আক্ৰমণত এক অদ্ভুত স্বকীয়তা আছে বুলি আঙুলিয়াই দিয়াটো আমাৰ কৰ্তব্য। ইয়াত ৰাস্তাত, ৰাজহুৱা স্থানত হঠাতে মানুহক আক্ৰমণ কৰি বহু ক্ষেত্ৰত গুৰুতৰভাৱে আঘাত হানিছে।”
আদেশত কোৱা হৈছে, “এই পৰিস্থিতিত আমি মহাপঞ্জীয়কক আনুষ্ঠানিকভাৱে উচ্চতম ন্যায়ালয়ত আবেদন কৰিবলৈ নিৰ্দেশ দিছো যাতে এই গোচৰটো মেঘালয় উচ্চ ন্যায়ালয়তে ৰখা হওক। আমি দৃঢ়ভাৱে বিশ্বাস কৰোঁ যে এনে ব্যক্তিগত জনস্বাৰ্থৰ গোচৰ এই আদালততে থাকিব লাগে।”
