ষ্টাফ ৰিপ’ৰ্টাৰ,ডিফু : শণিবাৰে দিনৰ প্ৰায় ১২ বজাত ডিফু এইছপিচিএফ কাৰ্যালয়ত পূৱ কাৰ্বি আংলং জিলা বিজেপিয়ে এক সংবাদমেল সম্বোধন কৰে ৷ সংবাদমেল সম্বোধন কৰি বিজেপিৰ মুখপাত্ৰ লাইচান ইংলেঙে কয়যে, বিজেপিৰ আমোলত পাহাৰীয়া জিলা কাৰ্বি আংলঙত অভূতপূৰ্ব উন্নয়ন হৈছে ৷ কংগ্ৰেছৰ শাসন কালত জিলাখনত অপ শাসন হৈছিল ৷ জাতি -জনগোষ্ঠীৰ মাজত সংঘাত সৃষ্টি হৈছিল ৷
ছাৰচিম প্ৰিচেকৰ দৰে ঠাইত নিৰিহৰ তেজ বৈছিল সেইবোৰ কংগ্ৰেছৰ দিনত হৈছিল ৷ নিজৰ ভূমিত নিজে সাহায্য শিৱিৰত থাকিব লগীয়া হৈছিল ৷ এতিয়া বিজেপিৰ শাসন কালত জিলাখনৰ সামগ্ৰিক উন্নয়ন আৰু বিকাশ হৈছে বুলি কয় নেতা গৰাকীয়ে ৷ নিজৰ প্ৰয়াত পিতৃ তৰণ গগৈৰ শাসন কালত কাৰ্বি আংলঙৰ জনজাতীয় লোকৰ মাজত সংঘাত আৰু বিভিন্ন অপশাসনৰ বাবে গৌৰৱ গগৈয়ে কাৰ্বি আংলং বাসীক ক্ষমা খুজিব লাগিছিল তাকে নকৰি তুলিৰাম ৰংহাঙ নেতৃত্বাধীন বিজেপি চৰকাৰৰ আমোলত হোৱা কাৰ্বি আংলঙৰ উন্নয়ন আৰু বিকাশত হেঙাৰ হৈ থিয় দিছে মন্তব্য কৰে লাইচান ইংলেঙে ৷
