দেওবাৰে বিয়লি প্ৰায় তিনি বজাত ডিফুৰ ৰংখেলানস্থিত কেএছএ কাৰ্যালয়ত এক গাম্ভীৰ্যপূৰ্ণ অনুষ্ঠান কেএছএ ইংলেংফ’ গোটৰ কেন্দ্ৰীয় সমিতিৰ নৱ নিৰ্বাচিত সভাপতি, সম্পাদক ক্ৰমে, বুদ্ধ তেৰাঙ আৰু বাৰ্নভাছ কিলিঙৰ লগতে নতুত কাৰ্যনিৰ্বাহক সমিতিখনে আনুষ্ঠানিক ভাবে শপত গ্ৰহণ কৰে ৷ জিলাখনৰ স্বায়ত্তৰাজ্যৰ দাবী আন্দোলনত জড়িত সংগঠন কাধাছডিকমকে ধৰি অনান্য দল-সংগঠন আৰু প্ৰাক্তন কেএছএ সভাপতি সম্পাদক সকলৰ উপস্থিতিত নতুন সমিতি খনে শপত বাক্য পাঠ কৰে ৷
উক্ত অনুষ্ঠানতে বিদায়ী সভাপতি, সম্পাদক ক্ৰমে, মিৰজেং ক্ৰ’ আৰু জৰ্জ তিমুঙক বিদায় জনোৱাৰ সমান্তৰালকৈ নৱ নিৰ্বাচিত সভাপতি, সম্পাদক ক্ৰম, বুদ্ধ তেৰাঙ আৰু বাৰ্নভাছ কিলিঙক পহ’ আৰু ফুলৰ থোপাৰে উষ্ম আদৰণি জনায় কেএছএৰ বিভিন্ন শাখা সমিতিয়ে ৷ সাংবাদিকৰ সৈতে হোৱা বাৰ্তালাপত কেএছএৰ নৱ নিৰ্বাচিত সভাপতি, সম্পাদ্বকদ্বয়ে কয়যে শপত গ্ৰহণ কৰাৰ পাছত আমি কেএছৰ শীৰ্ষ আসনত অধিষ্ঠিত হৈছো ৷
আমাৰ প্ৰথম কাম হৈছে স্বায়ত্তৰাজ্য আন্দোলনক অধিক শক্তিশালী কৰা আৰু ছাত্ৰ-ছাত্ৰী শৈক্ষিক দিশ আৰু গুণগত শিক্ষাৰ বাবে জিলাখনত প্ৰচেষ্টা অব্যাহত ৰখা ৷ ইয়াৰোপৰি সীমান্ত সমস্যাৰ লগতে অনান্য সমস্যা সমূহৰ সু সমাধানৰ পথ প্ৰশস্ত কৰা ৷ এই ক্ষেত্ৰত কাৰ্বি আংলংবাসী ৰাইজৰ সহায়-সহযোগিতা কামনা কৰিছে কেএছএৰ শীৰ্ষ নেতাদ্বয়ে ৷
