শুকুৰবাৰে পুৱাৰ ভাগত বকলীয়াঘাট আৰু বৰজানত সংঘটিত হোৱা দুটাকৈ ভয়ঙ্কৰ পৃথক পথ দুৰ্ঘটনা (Road accidents)ত নিহত হয় ষাঠি উৰ্ধৰ এজন নিৰিহ শ্ৰমিক (Worker killed)৷ প্ৰাপ্ত খবৰ অনুসৰি আজি পুৱা প্ৰায় চাৰে ছয়মান বজাত বকলীয়াঘাট আটিগাওঁৰ ৰসময় দাস নামৰ ষাঠি উৰ্ধৰ এজন শ্ৰমিক কিবা কামত বাহিৰলৈ ওলাই অহা সময়ত পিছফালৰ এটা এল্ট বাহনে পিছফালৰ খুন্দিয়াই গুৰুতৰভাবে জখম কৰে৷
ততালিকে জখমী শ্ৰমিকজনক বকলীয়াঘাট চিকিৎসালয়লৈ প্ৰেৰণ কৰা হয়৷ শ্ৰমিকজনক বকলীয়াঘাটৰ পৰা উন্নত চিকিৎসাৰ বাবে এখন এম্বুলেন্সেৰে ডিফু চিকিৎসা মহাবিদ্যালয় আৰু হাস্পাতাললৈ প্ৰেৰণ কৰে৷
কিন্তু দুৰ্ভাগ্য বশতঃ এম্বুলেন্সখন বৰজানত আহি পুৱাৰ লগে লগে পিছফালৰ পৰা আহি থকা এখন বালি কঢ়িওৱা ট্ৰাকে খুন্দিয়াই দিয়াৰ ফলত এম্বুলেন্সখন পথৰ কাষৰ ডিভাইডাৰত খুন্দিয়াই দুৰ্ঘটনাগ্ৰস্থ হয়৷ ফলত এম্বুলেন্সখনত থকা জখমপ্ৰাপ্ত লোকজন অধিক জখম হোৱাৰ লগতে বাকী ৫ জন লোকৰ কথমপি প্ৰাণ ৰক্ষা পৰে৷ পিছত লোকজনক বকলীয়াঘাট প্ৰেছ ক্লাৱৰ এম্বুলেন্সৰ জৰিয়তে ডিএমচিএইছলৈ অনাৰ পিছতে চিকিৎসকে লোকজনক মৃত বুলি ঘোষণা কৰে৷ আনহাতে মাঞ্জা আৰক্ষীয়ে দুৰ্ঘটনাগ্ৰস্থ বাহন কেইখন নিজৰ জিম্মালৈ লয় বুলি জানিব পৰা গৈছে৷
