মুখ্যমন্ত্ৰী এন বীৰেণ সিঙৰ পদত্যাগৰ পাছৰে পৰা মণিপুৰ ৰাষ্ট্ৰপতি শাসন (President of Manipur)ৰ অধীনত আছে। অশান্ত মণিপুৰৰ ৰাজ্যপাল অজয় কুমাৰ ভাল্লা (Manipur President’s Governor Ajay Kumar Bhalla)ই বৃহস্পতিবাৰে লুট কৰা সকলো অস্ত্ৰ (Robbed weapon) ৭ দিনৰ ভিতৰত ঘূৰাই দিয়াৰ নিৰ্দেশ (Order to return) দিয়ে। সেই সময়সীমালৈ মাত্ৰ এদিন বাকী। বহু লোকে ইতিমধ্যে অস্ত্ৰ-শস্ত্ৰ আৰু গুলীসহ নিৰাপত্তাৰক্ষীৰ ওচৰত আত্মসমৰ্পণ কৰিছে।
মণিপুৰৰ নিৰাপত্তা বাহিনীৰ তথ্য অনুসৰি, মঙলবাৰে ইম্ফলৰ পৰা ১২টা চিএমজি বন্দুক, মুঠ ৮টা ভিন্ন প্ৰকাৰৰ ৰাইফল, প্ৰতিটো ৰাইফলৰ বিপৰীতে এটাকৈ মেগজিন, এটা আইইডি বিস্ফোৰক আৰু ৭০ জাঁই গুলী উদ্ধাৰ কৰা হয়। কেইজনমান লোকে আত্মসমৰ্পণো কৰে। ৰাজ্যপালৰ নিৰ্দেশৰ পিছৰে পৰা এতিয়ালৈকে ইমান বৃহৎ পৰিমাণৰ অস্ত্ৰ-শস্ত্ৰ জমা হৈছে।
ৰাষ্ট্ৰপতিৰ শাসনত মণিপুৰৰ দায়িত্ব চম্ভালি আছে ৰাজ্যপাল অজয় ভাল্লাই। ২০ ফেব্ৰুৱাৰীত তেওঁ কৈছিল যে লুণ্ঠন কৰা অস্ত্ৰ-শস্ত্ৰসমূহ সাত দিনৰ ভিতৰত ঘূৰাই দিব লাগে। অন্যথা প্ৰশাসনে কঠোৰ ব্যৱস্থা গ্ৰহণ কৰিব। এই সময়ছোৱাত থানাত অস্ত্ৰ-শস্ত্ৰ জমা দিয়াসকলৰ বিৰুদ্ধে কোনো অনুশাসনমূলক ব্যৱস্থা গ্ৰহণ কৰা নহ’ব। অৱশ্যে সাত দিন পাৰ হোৱাৰ পাছত অবৈধ অস্ত্ৰ ৰখাসকলৰ বিৰুদ্ধে ব্যৱস্থা গ্ৰহণ কৰা হ’ব। মণিপুৰৰ মুখ্য সচিব পি কে সিঙেও কঠোৰ বাৰ্তা প্ৰদান কৰি কয়, “মণিপুৰবাসীয়ে সাত দিনৰ ভিতৰত স্বেচ্ছাই নিজৰ অস্ত্ৰ-শস্ত্ৰ সমৰ্পণ কৰিব পাৰিব। অৱশ্যে সেই সময়সীমাৰ পাছত নিৰাপত্তা বাহিনীয়ে ব্যাপক অস্ত্ৰ উদ্ধাৰ অভিযানত নামিব।”
