শ্বেয়াৰ বজাৰত (Share Market) যদি পত্নীৰ ঋণ থাকে তেন্তে সেই ঋণ পৰিশোধৰ দায়িত্ব স্বামীৰ ওপৰত থাকিব। তাৰ বাবে মৌখিক চুক্তিয়েই যথেষ্ট। সোমবাৰে উচ্চতম ন্যায়ালয়ে এক গোচৰত শুনানি গ্ৰহণ কৰি এই ৰায়দান কৰে।
ন্যায়াধীশ পি এছ নৰসিং আৰু ন্যায়াধীশ সন্দীপ মেহতাৰ উচ্চতম ন্যায়ালয়ৰ বিচাৰপীঠত এটা গোচৰ উত্থাপন হয়, য’ত পতি-পত্নী দুয়োৱো শ্বেয়াৰ বজাৰত বিনিয়োগ কৰিছিল। দম্পতীটোৰ ‘ষ্টক ব্ৰ’কাৰ’ হৈ পৰিল পত্নীৰ ষ্টক মাৰ্কেটৰ ঋণ। তাৰ পিছত ন্যায়াধিকৰণে স্বামী-স্ত্ৰী দুয়োকে ঋণী বুলি ধৰাৰ পিছত আদালতত গোচৰটো দাখিল কৰা হয়।
সোমবাৰে গোচৰৰ শুনানি গ্ৰহণ কৰি ন্যায়াধীশ নৰসিং আৰু ন্যায়াধীশ মেহতাই পৰ্যবেক্ষণ কৰে যে মৌখিক চুক্তিৰ ভিত্তিত পত্নীৰ শ্বেয়াৰ বজাৰৰ ঋণৰ বাবে স্বামীক যৌথভাৱে বা এককভাৱে জগৰীয়া কৰিব পাৰি। আদালতে ৰায় দিয়ে যে ন্যায়াধিকৰণে স্বামীৰ বিৰুদ্ধে এই ব্যৱস্থা বলৱৎ কৰিব পাৰে। ৰায়দানৰ পূৰ্বে খণ্ড বিচাৰপীঠে ১৯৪৭ চনৰ বম্বে ষ্টক এক্সচেঞ্জ এক্টৰ এটা ধাৰা উল্লেখ কৰে।
আদালতৰ সূত্ৰ অনুসৰি, আবেদনকাৰী ষ্টক ব্ৰ’কাৰৰ স্বামী-স্ত্ৰীৰ পৃথক পৃথক ‘ট্ৰেডিং একাউণ্ট’ আছিল। পূৰ্বতে মৌখিক আলোচনাত যৌথভাৱে দুটা একাউণ্ট চলাইছিল। শ্বেয়াৰ বজাৰত ব্যৱসায় কৰাৰ বাবে পত্নীক ক্ষতিপূৰণ দিবলৈ স্বামীৰ একাউণ্টৰ পৰা ধন কৰ্তন কৰা হয়। পিছলৈ তেওঁলোকৰ ডেবিট বেলেন্স যথেষ্ট বৃদ্ধি পায়। ইয়াৰ বাবে স্বামীয়ে ন্যায়াধিকৰণৰ কাষ চাপে। কিন্তু তাত কোৱা হয় যে এয়া দুয়োজনৰে দায়িত্ব।
গতিকে ঋণৰ বোজাও স্বামীৰ।
কিন্তু উচ্চতম ন্যায়ালয়ে স্বামীৰ দাবী নাকচ কৰি ন্যায়াধিকৰণৰ সপক্ষে ৰায় দিয়ে। ন্যায়াধিকৰণ আৰু উচ্চতম ন্যায়ালয়ৰ ৰায় অনুসৰি স্বামীয়ে বাৰ্ষিক ৯ শতাংশ সুতৰে ১ কোটি ১৮ লাখ ৫৮ টকাৰ ঋণ পৰিশোধ কৰিব লাগিব।
