ঘাইপথেৰে পাৰ হৈ আছে ইখনৰ পিছত সিখন গাড়ী আৰু এখন এখনকৈ গাড়ীবোৰৰ চকাবোৰ বিকল হৈ গৈ আছে। মুম্বাই-নাগপুৰ (Mumbai- Nagpur Accident) ঘাইপথত পৰি থকা লোহাৰ বোৰ্ডত খুন্দা মাৰি গাড়ী বিকল হৈ আছে গাড়ীবোৰ।
এই অভাৱনীয় কাণ্ডত হুলস্থুলৰ সৃষ্টি হয়। তাকো এখন বা দুখন নহয়, ৫০খনতকৈও অধিক বাহন বিকল হৈ পথতে আবদ্ধ হৈ পৰে। ফলত ঘাইপথৰ এক বৃহৎ অংশত তীব্ৰ যান-জঁটৰ সৃষ্টি হয়। যাৰ বাবে নিশাটো ঘাইপথতে আবদ্ধ হৈ থাকিবলগা হোৱাত আতংকৰ সৃষ্টি হয়।
জানিব পৰা মতে, ৱাছিম জিলাৰ মালেগাওঁ আৰু বানোজা টোল প্লাজাৰ সমীপত পথত পৰি থকা লোহাৰ ফলকত খুন্দা মৰাৰ ফলতে ইখনৰ পিছত সিখন বাহন ক্ষতিগ্ৰস্ত হয়। লোহাৰ ফলকখন কেনেকৈ ৰাস্তালৈ আহিল, সেই সন্দৰ্ভত তদন্ত আৰম্ভ কৰা হৈছে।
অভিযোগ অনুসৰি, পথত ইখনৰ পিছত সিখন গাড়ী বিকল হৈ ঘাইপথত স্থবিৰ হৈ পৰাৰ পিছতো আৰক্ষীৰ কোনো সঁহাৰি নাছিল। মটৰচাইকেল আৰোহীও ৰাতিটো ঘাইপথতে ৰৈ থাকিবলগা হয়। এই ঘটনাৰ পিছতে প্ৰশ্ন উত্থাপন হ’বলৈ আৰম্ভ কৰিছে, হাই-স্পীড কৰিড’ৰত মটৰচাইকেল আৰোহীসকল আচলতে নিৰাপদনে?
