আধাৰ কাৰ্ড (Aadhaar Card) অনুমোদন প্ৰক্ৰিয়া (Approval Process) অধিক কঠোৰ কৰাৰ সিদ্ধান্ত (Decision to make it more stringent) ৰাজ্য চৰকাৰৰ (State Govt.)। এই বিষয়ে মঙলবাৰে অনুষ্ঠিত ৰাজ্যিক কেবিনেটত গুৰুত্বপূৰ্ণ সিদ্ধান্ত গ্ৰহণ কৰা হয়। কেবিনেট বৈঠকৰ পিছত মুখ্যমন্ত্ৰী ডঃ হিমন্ত বিশ্ব শৰ্মাই সংবাদমেল (Himanta Biswa Sarma press conference)ত জনোৱা অনুসৰি, বাংলাদেশৰ পৰা হোৱা অনুপ্ৰৱেশৰ সমস্যা এক চিন্তনীয় বিষয় হৈ পৰিছে। সেয়ে অসম আৰক্ষীয়ে ছেকেণ্ড লাইন ডিফেন্স হিচাপে কাম কৰি আহিছে আৰু সেই ব্যৱস্থাক অধিক শক্তিশালী কৰিবৰ বাবে বি এছ এফৰ লগত সমন্বয় সৃষ্টিৰে সীমান্তত নিৰাপত্তা ব্যৱস্থা অধিক কটকটীয়া কৰিব বিচৰা হৈছে। তাৰেই অংশ হিচাপে ৰাজ্যিক কেবিনেটে আধাৰ কাৰ্ড প্ৰদানৰ ব্যৱস্থাটো অধিক কঠোৰ আৰু কটকটীয়া কৰাৰ সিদ্ধান্ত গ্ৰহণ কৰা হৈছে।
ইয়াৰ বাবে অসমত আধাৰৰ নামভৰ্তিৰ ক্ষেত্ৰত অসম চৰকাৰে এছ অ’ পি নিৰ্ধাৰণ কৰিছে৷ আনহাতে, আবেদনকাৰীৰ প্ৰকৃত পৰিচয় নিশ্চিত কৰিবলৈ আধাৰ নামভৰ্তিৰ বাবে ৰাজ্য চৰকাৰৰ পৰ্টেলৰ অধীনত এক নতুন মানক পদ্ধতি ৰূপায়ণৰ বাবে এক প্ৰস্তাৱত কেবিনেটে অনুমোদন জনায়।
এই এছ অ’ পি অনুসৰি, এই এছ অ’ পি ৰূপায়ণৰ নোডেল বিভাগ হ’ব সাধাৰণ প্ৰশাসন বিভাগ৷ আনহাতে, ৰাজ্য চৰকাৰে দাখিল কৰা নথি-পত্ৰসমূহ পৰীক্ষা কৰি ফলাফল লাভ কৰাৰ ৪৫ দিনৰ ভিতৰত ইউ আই ডি এ আইলৈ (UIDAI) অনলাইনযোগে প্ৰেৰণ কৰিব৷ এই ক্ষেত্ৰত জিলা পৰ্যায়ত আধাৰ নামভৰ্তিৰ পৰীক্ষণ প্ৰক্ৰিয়া তদাৰক কৰিব অতিৰিক্ত জিলা আয়ুক্তসকলে। ইয়াৰ উপৰি চক্ৰ বিষয়াসকলে ৰাজহ চক্ৰ পৰ্যায়ত এই প্ৰক্ৰিয়া সম্পন্ন কৰিব৷ চক্ৰ বিষয়াই নিযুক্ত কৰা পৰিদৰ্শন বিষয়াসকলে অসমত আধাৰ আবেদনকাৰীয়ে এন আৰ চিৰ বাবে আবেদন কৰিছিলনে সেই বিষয়টো পৰীক্ষা কৰিব। লগতে আবেদনকাৰী নিৰ্দিষ্ট ঠিকনাত বাস কৰেনে নাই সেয়া পৰীক্ষা কৰিব পৰিদৰ্শন বিষয়াসকলে৷ অৱশ্যে অসমত সেৱা আগবঢ়াই থকা চৰকাৰী বিষয়াসকলৰ ক্ষেত্ৰত এন আৰ চি আবেদনৰ বিষয়টো প্ৰযোজ্য নহ’ব৷
