মহাৰাষ্ট্ৰৰ (Maharashtra) পৰৱৰ্তী মুখ্যমন্ত্ৰী হিচাপে শপত (Sworn in as Chief Minister) গ্ৰহণ কৰিব দেৱেন্দ্ৰ ফাড়নাভিছ (Devendra Fadnavis)। বুধবাৰৰ বৈঠকত তেওঁক বিজেপি বিধায়িনী দলৰ নেতা হিচাপে বাছনি কৰা হয়। তেওঁক বিধানসভাত বিজেপি বিধায়িনী দলৰ নেতা হিচাপে আনুষ্ঠানিকভাৱে বাছনি কৰা হৈছে। যাৰ ফলত অৱশেষত ১০ দিনীয়া জল্পনা-কল্পনাৰ সমাপ্তি ঘটে। ফাড়নাভিছে বৃহস্পতিবাৰে মুখ্যমন্ত্ৰী হিচাপে শপত গ্ৰহণ (Swearing-in on Thursday) কৰিব।
বুধবাৰে মুম্বাইত বিজেপি বিধায়িনী দলৰ বৈঠক অনুষ্ঠিত হয়। বৈঠকত কেন্দ্ৰীয় বিত্ত মন্ত্ৰী নিৰ্মলা সীতাৰমণ আৰু গুজৰাটৰ প্ৰাক্তন মুখ্যমন্ত্ৰী বিজয় ৰুপানীয়ে অংশগ্ৰহণ কৰে। উক্ত বৈঠকত মুখ্যমন্ত্ৰী হিচাপে ফাড়নাভিছৰ নাম প্ৰস্তাৱ কৰা হয়। তাত সকলোৱে সন্মতি প্ৰদান কৰে। বুধবাৰে বৈঠকত ফাড়নাভিছক বিধায়িনী দলৰ নেতা হিচাপেও নিৰ্বাচিত কৰা হয়।
মুম্বাইৰ আজাদ ময়দানত শপত গ্ৰহণ অনুষ্ঠানৰ প্ৰস্তুতি ইতিমধ্যে আৰম্ভ হৈছে। ফাড়নাভিছে বৃহস্পতিবাৰে আবেলি মুখ্যমন্ত্ৰী হিচাপে শপত গ্ৰহণ কৰিব। সূত্ৰ অনুসৰি, ফাড়নাভিছৰ নেতৃত্বত বিজেপি বিধায়কৰ এটা দল বুধবাৰে আবেলি ৰাজভৱনলৈ যাব। তেওঁলোকে ৰাজ্যপাল চি পি ৰাধাকৃষ্ণণৰ পৰা চৰকাৰ গঠনৰ দাবী কৰিব। ফাড়নাভিছৰ সৈতে নেতা অজিত পাৱাৰ আৰু একনাথ শিন্দেও থাকিব।
বিজেপি বিধায়িনী দলৰ বৈঠকৰ পিছত ফাড়নাভিছে কয় যে তেওঁ বিধায়িনী দলৰ নেতা হোৱাৰ বাবে সুখী। তেওঁ ১৩২ গৰাকী বিজেপি বিধায়কৰ সমৰ্থন লাভ কৰিছে। ফাড়নাভিছে প্ৰধানমন্ত্ৰী নৰেন্দ্ৰ মোডী আৰু কেন্দ্ৰীয় গৃহমন্ত্ৰী অমিত শ্বাহকো ধন্যবাদ জনায়।
