মহাৰাষ্ট্ৰৰ মুখ্যমন্ত্ৰী পদৰ (Chief Minister of Maharashtra) সন্দৰ্ভত সিদ্ধান্ত ল’ব বিজেপিয়ে (BJP to decide)। একনাথ শিণ্ডেয়ে এই কথা অৱগত কৰে। লগতে তেওঁ আৰু শিৱসেনাৰ (শিন্দে ফৈদ) বিজেপিয়ে যাক বাছি লয় তাৰ সম্পূৰ্ণ সমৰ্থন (Full support from Shiv Sena (Shinde) ) আছে বুলিও কয়। বিজেপিৰ সূত্ৰ অনুসৰি, সোমবাৰৰ ভিতৰত মহাৰাষ্ট্ৰৰ আসনত কোন বহিব সেই সিদ্ধান্ত গ্ৰহণ কৰা হ’ব। আনহাতে, শিন্দেয়ে তেওঁ অন্তৰ্ধান হোৱা সন্দৰ্ভত সকলো জল্পনা-কল্পনাক খাৰিজ কৰে। তেওঁ কয় যে তেওঁ নিৰ্বাচনৰ পিছত জিৰণি ল’বলৈ নিজৰ গাঁৱলৈ গৈছে। তেওঁ কয়, “মই সদায় মোৰ গাঁৱলৈ আহোঁ। যোৱা সপ্তাহত মোৰ কথাটো স্পষ্ট কৰি দিলোঁ। ইয়াৰ পিছত ইমান কথা কিয়? মই কৈছো যে মুখ্যমন্ত্ৰী পদত বিজেপিয়ে যি সিদ্ধান্ত লয় মই সমৰ্থন কৰিম। শিৱসেনাই সেই সিদ্ধান্তক সমৰ্থন কৰিব।”
মহাৰাষ্ট্ৰত বিজেপিৰ ৰাজ্যিক সভাপতি চন্দ্ৰশেখৰ বাৱানকুলেয়ে ইতিমধ্যে অৱগত কৰিছে যে অহা ৫ ডিচেম্বৰত দক্ষিণ মুম্বাইৰ আজাদ ময়দানত মহাযুটি চৰকাৰে শপত গ্ৰহণ কৰিব। প্ৰধানমন্ত্ৰী নৰেন্দ্ৰ মোডীও তাত উপস্থিত থাকিব। অৱশ্যে মুখ্যমন্ত্ৰী কোন হ’ব সেয়া এতিয়াও স্পষ্ট হোৱা নাই বিজেপিৰ। বিৰোধীয়ে সমালোচনা কৰিবলৈ আৰম্ভ কৰিছে যে মহাযুটি চৰকাৰৰ মুখ্যমন্ত্রীৰ নাম এই পৰ্যন্ত ঘোষণা হোৱা নাই৷
