এগৰাকী ৭৫ বছৰীয়া মহিলা (75 year old woman)ক তেওঁৰ খেতিপথাৰত নিয়োজিত এগৰাকী শ্ৰমিকে ধৰ্ষণ কৰাৰ অভিযোগ (Allegations of rape) উত্থাপিত হৈছে। ঘটনাটো দেওবাৰে কৰ্ণাটকৰ কালাবুৰাগী জিলা (Kalaburagi district of Karnataka)ত সংঘটিত হয়। ঘটনাটো পোহৰলৈ অহাৰ লগে লগে উত্তেজনা বিয়পি পৰে।
চিনচোলিৰ ডিএছপি সঙ্গমনাথ হীৰেমথে মঙলবাৰে খবৰটো নিশ্চিত কৰিছে। আৰক্ষীয়ে জনোৱা অনুসৰি, অভিযুক্তজনে ভুক্তভোগীৰ খেতিপথাৰত দিন হাজিৰা কৰিছিল। আনহাতে, ৭৫ বছৰীয়া মহিলাগৰাকীয়ে তেওঁৰ স্বামীৰ মৃত্যুৰ পিছৰে পৰা ঘৰটোত অকলে বাস কৰি আছিল। অভিযোগ অনুসৰি, দেওবাৰে পুৱা প্ৰায় ১০ বজাত যুৱকজন বৃদ্ধাগৰাকীৰ ঘৰলৈ যায়। মহিলাগৰাকীয়ে পূৰ্বপৰিচিত হোৱাৰ বাবে দুৱাৰখন খুলি দিয়ে। কিন্তু তাৰ পিছতে যুৱকজনে তেওঁক ধৰ্ষণ কৰাৰ অভিযোগ। ইফালে ঘটনাটো সংঘটিত কৰি অভিযুক্তই পলায়ন কৰে।
আৰক্ষীয়ে জনোৱা অনুসৰি, ভুক্তভোগী ২৪ ঘণ্টাৰো অধিক সময় ঘৰৰ ভিতৰত তেনেকৈয়ে পৰি আছিল। সোমবাৰে পুৱা চুবুৰীয়াসকলৰ সন্দেহ হোৱাত ঘৰত প্ৰৱেশ কৰি বৃদ্ধাগৰাকীক উদ্ধাৰ কৰি বিদাৰৰ জিলা চিকিৎসালয়লৈ লৈ যায়। প্ৰাথমিক চিকিৎসাৰ পিছত তেওঁক তাত ভৰ্তি কৰোৱা হয়। শাৰীৰিক পৰীক্ষাত ধৰ্ষণৰ প্ৰমাণো পোৱা যায়। চিকিৎসালয় কৰ্তৃপক্ষই তাৰ পিছত আৰক্ষীক খবৰ দিয়ে।
ইফালে ঘটনাটো পোহৰলৈ অহাৰ লগে লগে আৰক্ষীয়ে ঘটনাটোৰ তদন্ত আৰম্ভ কৰে। অভিযুক্তজনৰ বিৰুদ্ধে ভাৰতীয় ন্যায় সংহিতাৰ ৬৪ ধাৰাৰ (ধৰ্ষণ) অধীনত এটা গোচৰ ৰুজু কৰা হৈছে। অৱশ্যে অভিযুক্ত এতিয়াও পলাতক। তেওঁক বিচাৰি উলিওৱাৰ বাবে অনুসন্ধান অভিযান আৰম্ভ কৰা হৈছে।
