দেশৰ স্মাৰ্টফোন বজাৰত এক অনন্য মাত্ৰা প্ৰদানৰ বাবে সাজু হৈছে ৰিলায়েন্স জিঅ’ (Reliance Jio)। জিঅ’ই কেইদিনমানৰ ভিতৰতে একেবাৰে কম মূল্যত ৫জি ফোন (5G phone) বজাৰত মুকলি কৰিব। আধুনিক স্পেচিফিকেচন আৰু সুলভ মূল্য (Affordable Prices)ত লাখ লাখ ভাৰতীয়ই এই ৫জি ফোন ব্যৱহাৰ কৰিব পাৰিব। সূত্ৰ অনুসৰি জিঅ’ ভাৰত ৫জি স্মাৰ্টফোনৰ মূল্য ৪,৯৯৯ টকাৰ পৰা ৫,৯৯৯ টকাৰ ভিতৰত হ’ব পাৰে। আনহাতে, ৩,৯৯৯ টকাৰ বিশেষ ৰেহাইতো এই ফোনটো ক্ৰয় কৰিব পাৰে।
ক্ৰেতাসকলে মাত্ৰ ৯৯৯ টকাৰ পৰা আৰম্ভ কৰি ইএমআইৰ সুবিধাও লাভ কৰিব। ২০২৫ চনৰ জানুৱাৰী মাহৰ শেষৰ ফালে বা ফেব্ৰুৱাৰী মাহৰ আৰম্ভণিতে এই ফোন মুকলি কৰিব পাৰে। এই জিঅ’ ৫-জি ফোনত ৫.৩ ইঞ্চি পাঞ্চ-হোল ডিছপ্লে, ৭২০x১৯২০ পিক্সেল ৰিজ’লিউচন, ইন্টিগ্ৰেটেড ফিংগাৰপ্ৰিণ্ট চেন্সৰ, মিডিয়াটেক ৬২০০ প্ৰচেছৰ আছে। এই 5G ফোনটো বিভিন্ন ষ্ট’ৰেজ চিষ্টেমত উপলব্ধ হ’ব।
জিঅ’ ইণ্ডিয়াৰ ভাৰতত উপলব্ধ হ’ব ৬ জিবি ৰেম + ৬৪ জিবি ষ্ট’ৰেজ, ৬ জিবি ৰেম + ১২৮ জিবি ষ্ট’ৰেজ, ৮ জিবি ৰেম + ১২৮ জিবি ষ্ট’ৰেজ। ডিভাইচটোত 7100mAh বেটাৰী থাকিব যিটো সাধাৰণ ব্যৱহাৰৰ সৈতে সহজেই এদিন টিকি থাকিব। আনকি ফাষ্ট চাৰ্জিং চিষ্টেমো আছে। ছেলফিৰ বাবে ১০৮ এমপি প্ৰাইমেৰী কেমেৰা, ১২ মেগা পিক্সেল আল্ট্ৰা-ৱাইড লেন্স, ৫ মেগা পিক্সেল প’ৰ্ট্ৰেইট লেন্স আৰু ১৩ মেগা পিক্সেলৰ ফ্ৰন্ট কেমেৰা আছে। ভাৰতত জিঅ’ই স্মাৰ্টফোন আৰু ৫জি সংযোগৰ দিশত কেইবাটাও উল্লেখযোগ্য পদক্ষেপ গ্ৰহণ কৰিছে। বিশেষজ্ঞসকলৰ মতে, জিঅ’ ইণ্ডিয়াৰ ৫জি বজাৰত প্ৰৱেশে আন কোম্পানীসমূহক পুনৰ চিন্তা কৰাত বাধ্য কৰিব।
