এসপ্তাহৰ ভিতৰত দ্বিতীয়বাৰৰ বাবে অভিনেতা ছলমান খানক মৃত্যুৰ ভাবুকি (Salman Khan receives death threat)। সোমবাৰে নিশা মুম্বাই আৰক্ষীৰ কণ্ট্ৰ’ল ৰুমে গেংষ্টাৰ লৰেন্স বিষ্ণয় (Gangster Lawrence Bishnoy)ৰ ভাতৃ আনমোলৰ নামত ভাবুকিপূৰ্ণ ৱাটছএপ মেছেজ (WhatsApp message) লাভ কৰে। আৰক্ষী সূত্ৰৰ মতে, যান-বাহন নিয়ন্ত্ৰণ কক্ষলৈ প্ৰেৰণ কৰা বাৰ্তাটোত দাবী কৰা হৈছে, “মই লৰেন্স বিষ্ণয়ৰ ভাতৃয়ে কৈছো। যদি ছালমান খানে জীয়াই থাকিব বিচাৰে তেন্তে আমাৰ মন্দিৰলৈ গৈ ক্ষমা বিচাৰক। আৰু যদি নকৰে তেন্তে পাঁচ কোটি টকা দিব লাগিব। যদি তেওঁ দুয়োটাৰ এটাও কাম নকৰে তেন্তে ছলমানক হত্যা কৰা হ’ব। আমাৰ গেংটোৱে এতিয়াও নজৰ ৰাখি আছে।”
এই বাৰ্তা লাভ কৰাৰ পিছতে আৰক্ষীয়ে তদন্ত আৰম্ভ কৰে। ইতিমধ্যে আৰক্ষীয়ে তদন্ত আৰম্ভ কৰিছে এই বাৰ্তাটো ক’ৰ পৰা আহিল, প্ৰেৰকজন আচলতে আনমোল বিষ্ণুয় হয়নে নহয় সেই বিষয়ে। উল্লেখ্য, ৩০ অক্টোবৰত যান-বাহন আৰক্ষীয়ে ছলমানক হত্যাৰ ভাবুকি লাভ কৰিছিল। সেই সময়ত দাবী কৰা হৈছিল দুই কোটি টকা।
আনহাতে, ১৮ অক্টোবৰতো মুম্বাই ট্ৰেফিক পুলিচৰ ৱাটছএপ নম্বৰত লৰেন্স বিষ্ণয়ৰ নামত ভাবুকি আহিছিল। তাত কোৱা হৈছিল যে ছলমান খানে ততালিকে ৫ কোটি টকা যদি নিদিয়ে তেন্তে এন চি পি নেতা বাবা ছিদ্দিকীতকৈ তেওঁৰ কৰুণ পৰিণতি হʼব। ইয়াৰ পিছতে মুম্বাই আৰক্ষী সক্ৰিয় হৈ উযে। উক্ত ভাবুকিৰ আধাৰতেই তদন্ত আৰম্ভ হয়। তদন্তৰ সময়তে জামছেদপুৰৰ পৰা এজন ব্যক্তিক গ্ৰেপ্তাৰ কৰা হয়। অভিযোগ মতে, তেওঁ বিষ্ণয়ৰ নামত ছলমানক ভাবুকি দিছিল।
