টেষ্ট ক্রিকেট (Test Cricket)ৰ এটা ইনিংছত সৰ্বনিম্ন স্ক’ৰ হৈছে ৩৬ ৰান।এই ৰেকৰ্ড ভংগৰ পৰা কেনেবাকৈ ৰক্ষা পৰে ভাৰতীয় ক্ৰিকেট দল। কিন্তু তথাপিও আন এক লজ্জাৰ ৰেকৰ্ড গঢ়ে ৰোহিত শৰ্মা বাহিনীয়ে। বাংগালুৰুত নিউজিলেণ্ডৰ বিৰুদ্ধে (Against New Zealand in Bengaluru) ৪৬ ৰানতে অন্ত পৰে ভাৰতৰ ইনিংছ (India’s innings ends at 46)। ৰোহিত শৰ্মা, বিৰাট কোহলীৰ দৰে তাৰকা সমৃদ্ধ ভাৰতীয় দলৰ এয়া হৈছে টেষ্ট ক্ৰিকেটত এটা ইনিংছত ঘৰুৱা মাটিত সৰ্বনিম্ন ৰানত অলআউট।
উল্লেখযোগ্য যে টেষ্টত ভাৰতৰ সৰ্বনিম্ন ৰাণৰ অভিলেখ হৈছে ৩৬। ২০২০ চনৰ ডিচেম্বৰ মাহত এডিলেইডত অষ্ট্ৰেলিয়াৰ বিৰুদ্ধে টেষ্টৰ সময়ত সংঘটিত হৈছিল এই ঘটনা। উক্ত ইনিংছত অৱশ্যে ভাৰতৰ ১০টা উইকেট পৰা নাছিল, ৯ টা উইকেট পৰিছিল। হাতত আঘাত পাই আধাতে ক্ৰিজ এৰি যায় মহম্মদ শ্বামীয়ে।
ভাৰতৰ টেষ্ট ইতিহাসত দ্বিতীয় সৰ্বনিম্ন অল আউট হৈছিল ১৯৭৪ চনত। লৰ্ডছত ইংলেণ্ডৰ বিৰুদ্ধে ৪২ ৰানত অল আউট হৈছিল। তাৰ পিছত এইবাৰ বাংগালুৰু। নিউজিলেণ্ডৰ বিৰুদ্ধে তৃতীয় সৰ্বনিম্ন ৰানত অল আউট হয় ৰোহিটৰ দল।
টেষ্টৰ ইতিহাসত ভাৰতে কেইবাবাৰো কম ৰানত অল আউট হৈছে। ১৯৪৭ চনত ব্রিজবেনত অষ্ট্ৰেলিয়াৰ বিৰুদ্ধে ৫৮ ৰানত ভাৰতৰ ইনিংছ সমাপ্ত হৈছিল। ১৯৫২ চনত মানচেষ্টাৰত ভাৰতে ৫২ ৰানত অল আউট হৈছিল।
১৯৯৬ চনত ডাৰবানত দক্ষিণ আফ্ৰিকাৰ বিৰুদ্ধে ভাৰত ৬৬ ৰানত অল আউট হৈছিল। ১৯৪৮ চনত মেলবৰ্ণত অষ্ট্ৰেলিয়াৰ বিৰুদ্ধে ভাৰতৰ ইনিংছ ৬৭ ৰানতে সমাপ্ত হয়। ১৯৮৭ চনত দিল্লীত ৱেষ্ট ইণ্ডিজৰ বিৰুদ্ধে ভাৰত ৭৫ ৰানত অল আউট হৈছিল। সেইটোৱেই আছিল ঘৰুৱা ক্ষেত্ৰত ভাৰতৰ ইনিংছত সৰ্বনিম্ন ৰান। ৰোহিত বাহিনীয়ে আজি উক্ত লজ্জাজনক অভিলেখ ভংগ কৰে।
