ইন্দিৰা গান্ধী (Indira Gandhi)ৰ জীৱনৰ আধাৰত নিৰ্মিত (Built on the basis of life) ‘ইমাৰ্জেন্সি’ ছবি (‘Emergency’ Movie) মুক্তিৰ ক্ষেত্ৰত বম্বে উচ্চ ন্যায়ালয়তো (Bombay High Court) সমস্যাৰ সমাধান নাপালে কংগনাই। ছবিখনৰ নিৰ্মাতাসকলে ছবিখনৰ ক্ষিপ্ৰ মুক্তিৰ বাবে সকলো আইনী বাধা আঁতৰাবলৈ বম্বে উচ্চ ন্যায়ালয়ৰ কাষ চাপিছিল। আদালতক চেণ্ট্ৰেল ব’ৰ্ড অব ফিল্ম চাৰ্টিফিকেচন বা চি বি এফ চিক ছবিখনৰ মুক্তিৰ প্ৰমাণ-পত্ৰ প্ৰদান কৰিবলৈ নিৰ্দেশ দিবলৈ অনুৰোধ জনায়। কিন্তু বুধবাৰে উচ্চ ন্যায়ালয়ে এনে কোনো নিৰ্দেশ নিদিলে। বৰঞ্চ ন্যায়াধীশে জনাইছে যে এই ছবি সন্দৰ্ভত মধ্যপ্ৰদেশ উচ্চ ন্যায়ালয়ে দিয়া নিৰ্দেশৰ বাহিৰে তেওঁলোকে একো ক’ব নোৱাৰে। কিন্তু একে সময়তে উচ্চ ন্যায়ালয়ে চি বি এফ চিক আগন্তুক দুসপ্তাহৰ ভিতৰত অৰ্থাৎ ১৮ ছেপ্টেম্বৰৰ ভিতৰত ‘ইমাৰ্জেন্সি’ৰ প্ৰমাণ-পত্ৰৰ সিদ্ধান্ত চূড়ান্ত কৰিবলৈ নিৰ্দেশ দিছে।
উল্লেখ্য যে প্ৰাক্তন প্ৰধানমন্ত্ৰী ইন্দিৰা গান্ধীৰ জীৱনৰ কাহিনীৰ আধাৰত নিৰ্মাণ কৰিছে অভিনেত্ৰী তথা বিজেপি সাংসদ কংগনা ৰানাৱটে ‘ইমাৰ্জেন্সি’ ছবি। তেওঁ ছবিখন এটা দিশত পৰিচালনা কৰিছিল। মূল চৰিত্ৰ ইন্দিৰাৰ চৰিত্ৰতো তেওঁক দেখা যাব। ৬ ছেপ্টেম্বৰত মুক্তি পোৱাৰ কথা আছিল ছবিখন। কিন্তু তাৰ পূৰ্বে ছবিখনৰ বিষয়বস্তু বিতৰ্কৰ কেন্দ্ৰবিন্দুলৈ আহিছে। শিখ জনগোষ্ঠীয়ে অভিযোগ কৰিছে যে ছবিখনত শিখ ইতিহাসক যিদৰে চিত্ৰিত কৰা হৈছে সেয়া সঠিক নহয়। মধ্যপ্ৰদেশ উচ্চ ন্যায়ালয়তো গোচৰ ৰুজু হৈছে। জব্বলপুৰৰ শিখ সংগঠক আৰু শ্ৰীগুৰু সিং সভাই গোচৰ ৰুজু কৰে। তেওঁলোকে উচ্চ ন্যায়ালয়ৰ আগত কয় যে ছবিখন ৰাজহুৱা হ’লে ছবিখনৰ বিষয়বস্তুৱে শিখ সমাজত অস্থিৰতা আৰু অশান্তিৰ সৃষ্টি কৰিব পাৰে বুলি চিন্তিত।
শিখ সম্প্ৰদায়ৰ এই অভিযোগৰ পিছতে মধ্যপ্ৰদেশ উচ্চ ন্যায়ালয়ে চি বি এফ চিক নিৰ্দেশ দি মুক্তিৰ প্ৰমাণ-পত্ৰ প্ৰদানৰ পূৰ্বে ছবিখনৰ অভিযোগৰ ওপৰত চকু ৰাখিবলৈ কোৱা হয়। যাৰ বিৰুদ্ধে ‘ইমাৰ্জেন্সি’ৰ নিৰ্মাতাসকলে বম্বে উচ্চ ন্যায়ালয়ৰ কাষ চাপিছিল। কিন্তু বম্বে উচ্চ ন্যায়ালয়েও একেই কথা ক’লে। তাৰোপৰি তেওঁলোকে কয়, “য’ত দেশৰ এখন উচ্চ ন্যায়ালয়ে চি বি এফ চিক এটা নিৰ্দেশনা দিছে, আন এখন উচ্চ ন্যায়ালয়ে যদি আন এটা নিৰ্দেশনা দিয়ে, তেন্তে চি বি এফ চিয়ে কাৰ কথা শুনিব! আইনৰ নিয়ম অনুসৰি তেওঁলোকে এনে কোনো নিৰ্দেশনা দিব নোৱাৰে।”
অৱশ্যে একে সময়তে বম্বে হাইকোৰ্টে চি বি এফ চিক কয় যে ছবিখন নিৰ্মাণৰ বাবে ব্যয় কৰা কোটি কোটি টকাৰ কথা মনত ৰাখিব লাগে। লগতে উচ্চ ন্যায়ালয়ে কয় যে ১৮ ছেপ্টেম্বৰৰ ভিতৰত ছবিখনৰ আপত্তি সন্দৰ্ভত সিদ্ধান্ত লোৱা উচিত। অৰ্থাৎ সম্প্ৰতি দুসপ্তাহ ধৰি ‘ইমাৰ্জেন্সি’ মুক্তিৰ ক্ষেত্ৰত অনিশ্চয়তা ৰৈ গ’ল।
