অৱশেষত ঘৰলৈ উভতি আহিল বিনেশ ফ’গাট (Vinesh Phogat back home)। গেমছ ভিলেজ এৰি তেওঁ পেৰিছতে আছিল। শনিবাৰে দিল্লী বিমানবন্দৰত উপস্থিত হয় বিনেশ। বহুতে তেওঁক সম্ভাষণ জনাবলৈ অপেক্ষা কৰি আছিল। বজৰং পুনিয়া আৰু সাক্ষী মালিকো তাত আছিল। পদক লাভ নকৰিলেও এনে সম্বৰ্ধনা লাভ (Felicitation) কৰি বিনেশে চকুলো ৰাখিব নোৱাৰিলে।
শনিবাৰে বিনেশৰ বাবে অপেক্ষা কৰি দিল্লী বিমানবন্দৰত বহু লোক উপস্থিত আছিল। ফুলৰ থোপাৰে তেওঁক সম্ভাষণ জনোৱা হয়। এনে লাগিছিল যেন তেওঁ পদক লাভ কৰিছে। এনে আদৰণি পোৱাৰ পিছত বিনেশে নিজকে ধৰি ৰাখিব নোৱাৰি কান্দি উঠে।
উল্লেখযোগ্য যে পেৰিছ অলিম্পিকৰ ৫০ কেজি শাখা (50kg category at the Paris Olympics)ৰ ফাইনেলত প্ৰৱেশ কৰিছিল মহিলা মল্লযুঁজাৰুগৰাকীয়ে। কিন্তু ফাইনেল খেলাৰ পূৰ্বে তেওঁৰ ওজন ১০০ গ্ৰাম বেছি হয়। তাৰ বাবেই বিনেশক বহিষ্কাৰ কৰা হয়। তেওঁ ৰূপৰ পদক দাবী কৰিবলৈ আন্তঃৰাষ্ট্ৰীয় ক্ৰীড়া আদালতত গোচৰ তৰে। কিন্তু সেইটোৱেও একো সহায় নকৰিলে। বিনেশক ৰূপ দিয়া নহ’ল।
আনহাতে, লণ্ডন অলিম্পিকত ব্ৰঞ্জৰ পদক লাভ কৰা গগন নাৰঙে কয়, “বিনেশ চেম্পিয়ন হৈ গেমছ ভিলেজলৈ আহিছিল। আৰু তেওঁ চেম্পিয়ন হিচাপেই থাকিব। কেতিয়াবা আনক অনুপ্ৰাণিত কৰিবলৈ অলিম্পিক পদকৰ প্ৰয়োজন নহয়। পৰৱৰ্তী প্ৰজন্মৰ বাবে অনুপ্ৰেৰণা বিনেশ। আপোনাক প্ৰণাম।”
