ASSAM TIMES POST
নিউজ ডেক্সঃ ভাৰতীয় ক্ৰিকেট দলৰ অপেনাৰ কে এল ৰাহুলে নিজৰ ষষ্ঠ স্থান অপৰৱৰ্তী হৈ থকাৰ বিপৰিতে অধিনায়ক বিৰাট কোহলি আৰু বাওঁহাতীয়া বেটছমেন শিখৰ ধাৱানে আন্তৰ্জাতিক ক্ৰিকেটত এটা স্থান আগুৱাবলৈ সক্ষম হৈছে৷
আই চি চিৰ টি-২০ ৰেংকিঙত শ্ৰীলংকাক তিনিখনীয়া শৃংখলাত ২-০ ত ভাৰত জয়ী হোৱাৰ পাছতে প্ৰকাশিত তালিকাত এই কথা প্ৰকাশ পাইছে৷ উল্লেখ্য যে মুঠ ৭৬০ ৰেটিং পইণ্টৰ ভিতৰত ২৬ পইণ্ট লাভ কৰি ৰাহুল সৰ্বাধিক ৰেংক পোৱা বেটছমেন হিচাপে পৰিগণিত হৈছে৷ তেওঁ অষ্ট্ৰেলিয়াৰ অল ৰাউণ্ডাৰ গ্লেন মেক্সৱালতকৈ ছয় পইণ্টৰ পিছ পৰি আছে৷
আনহাতে বিৰাট কোহলি টেষ্ট আৰু এদিনীয়া আন্তৰ্জাতিকত উচ্চ স্থানত আছে৷ টি-২০ ক্ৰিকেটত বিৰাটৰ ৰেংক হ’ল নৱম৷ তদুপৰি ধাৱানৰ স্থান হ’ল ১৫৷ ইপিনে, মনীশ পাণ্ডেয়ে চাৰিটা স্থান আগুৱাই ৭০ত উপনীত হৈছে৷ আনহাতে ভাৰতৰ বেগী বলাৰে টি-২০ত আশা কৰা মতে ৰেংক আগুৱাবলৈ সক্ষম হৈছে৷ নৱদীপ ছাইনীয়ে ১৪৬ স্থানৰ পৰা ৯৮ স্থানলৈ আগুৱাবলৈ সক্ষম হৈছে৷ যশপ্ৰীত বোমৰাহে আঠটা স্থান আগুৱাই ৩৯ ৰেংকত উপনীত হৈছে৷
